నేరాలను అరికట్టడంలో సీసీ కెమెరాలది ప్రముఖ పాత్ర

జోగులాంబ గద్వాల జిల్లా అలంపూర్ చౌరస్తాలో దాతల సహకారంతో ఏర్పాటు చేసిన సీసీ కెమెరాలను ఎస్పీ రంజన్ కుమార్ ప్రారంభించారు.

సాంకేతికతను ఉపయోగించుకొని నేరాలను అరికట్టడంలో సీసీ కెమెరాలు ఎంతగానో ఉపయోగపడతాయని జోగులాంబ గద్వాల ఎస్పీ రంజన్ కుమార్ తెలిపారు. జిల్లాలోని అలంపూర్ చౌరస్తాలో ఆయన సీసీ కెమెరాలను ప్రారంభించారు. దాతల సహకారంతో ఏర్పాటు చేసిన సీసీ కెమెరాలను ఎస్పీ... ఏఎస్పీ, డీఎస్పీలతో కలిసి ప్రారంభించారు. అలంపూర్ చౌరస్తా ఔట్ పోస్టులో సీసీ కెమెరాల పనితీరును అడిగి తెలుసుకున్నారు. డీజీపీ సూచనల మేరకు 'నేను సైతం' కార్యక్రమంలో భాగంగా సీసీ కెమెరాలను ఏర్పాటు చేస్తున్నట్లు ఎస్పీ తెలిపారు.

దాతల సహకారంతో అలంపూర్ చౌరస్తాలో 14 సీసీ కెమెరాలు ఏర్పాటు చేసినట్లు తెలిపారు. సీసీ కెమెరాలు నేరాలను అరికట్టడానికిలో కీలక పాత్ర పోషిస్తాయని పేర్కొన్నారు.