రూ.10లక్షలకు ఆశపడి.. టీఎస్​పీఎస్సీ పేపర్​ లీకేజీ

TSPSC Paper Leakage Case: టీఎస్​పీఎస్సీలో కంప్యూటర్​ హ్యాకింగ్​ కలకలం సృష్టించింది. ఈ లీకేజీలో టీఎస్​పీఎస్సీ ఉద్యోగి ప్రవీణ్​ను అనుమానించి.. అదుపులోకి తీసుకున్నారు. అతనితో పాటు మరో ఇద్దరు వ్యక్తులను అదుపులోకి తీసుకుని.. విచారిస్తున్నారు.

TSPSC Paper Leakage Case: టీఎస్​పీఎస్సీ ఉన్నతాధికారి వ్యక్తిగత సిబ్బందే.. రూ. 10లక్షలకు ఆశపడి దళారులతో కలిసి టౌన్​ ఫ్లానింగ్​, వెటర్నరీ అసిస్టెంట్​ సర్జన్​ పరీక్ష పేపర్​లను లీకేజీ చేసినట్లు పోలీసులు గుర్తించారు. ఈ లీకేజీ వ్యవహారంలో పోలీసులు లోతైన దర్యాప్తును కొనసాగిస్తున్నారు. చివరికి టీఎస్​పీఎస్సీ కార్యదర్శికి వ్యక్తిగత సహాయకుడు ప్రవీణ్​నే ఈ పేపర్​ లీకేజీకి పాల్పడినట్లు పోలీసులు అనుమానిస్తున్నారు. ప్రవీణ్​తో పాటు.. ఇద్దరు దళారులను అదుపులోకి తీసుకున్నారు. వారిని పోలీసులు విచారిస్తున్నారు. బేగంబజార్​లోని పీఎస్​కు టీఎస్​పీఎస్సీ ఉద్యోగి ప్రవీణ్​ను, ఇద్దరు నిందితులను తరలించారు. నిందితుడు ప్రవీణ్​ ల్యాప్​టాప్​ను స్వాధీనం చేసుకొని.. ఇంకా విలువైన సమాచారం ఉంటుందేమోనని ఎఫ్​ఎస్​ఎల్​కు పోలీసులు పంపారు.

ముగ్గురు దళారులతో కలిసి ప్రవీణ్​ పేపర్​ లీకేజీకి కుట్ర పన్నినట్లు పోలీసులు అనుమానిస్తున్నారు. పేపర్​ లీకేజీకి దళారులతో ఉన్నతాధికారి వ్యక్తిగత సిబ్బంది అయిన ప్రవీణ్​ రూ.10 లక్షలకు ఒప్పందం కుదుర్చుకున్నట్లు భావిస్తున్నారు. పనిగా ఆ ముగ్గురు దళారులకు టౌన్​ ఫ్లానింగ్​ పరీక్ష పత్రాలు ఇచ్చినట్లు తెలుస్తోంది. అందువల్ల ప్రవీణ్​ను, మిగిలిన ముగ్గురు దళారులను పోలీసులు అదుపులోకి తీసుకున్నారు. ప్రశ్నపత్రాలు కొనుగోలు చేసిన పలువురిని సైతం పోలీసులు అదుపులోకి తీసుకున్నారు.

ప్రశ్నపత్రం లీకైనట్లు ఓ అభ్యర్థి బేగంబజార్​ పోలీసులకు సమాచారం ఇవ్వడంతో.. వారు టీఎస్​పీఎస్సీ ఉన్నతాధికారుల దృష్టికి తీసుకువెళ్లారు. వెబ్​సైట్​ను పరీక్షించిన అధికారులు టీఎస్​పీఎస్సీలో టౌన్​ ఫ్లానింగ్​ పేపర్​ తస్కరణకు గురైనట్లు గమనించారు. వెంటనే వారు టౌన్​ ఫ్లానింగ్​, వెటర్నరీ రెండు పరీక్షలను వాయిదా వేశారు. ఈ లీకేజీ విషయంలో పోలీసులు ఇంకా లోతుగా విచారణ చేస్తున్నారు.

రెండు పరీక్షలు రద్దు: టీఎస్​పీఎస్సీలో కంప్యూటర్లు హ్యాకింగ్​ కలకలం సృష్టించింది. టౌన్​ ప్లానింగ్​ బిల్డింగ్​ పోస్టుల భర్తీ పరీక్షకు సంబంధించిన ప్రశ్నల సమాచారం హ్యాకింగ్​కు గురైనట్లు ఓ వ్యక్తి పోలీసులకు సమాచారం అందించారు. వెంటనే వారు టీఎస్​పీఎస్సీ ఉన్నతాధికారులకు సమాచారం అందించడంతో వెరిఫై చేసుకొని ప్రశ్నల సమాచారం లీకైందని వెల్లడించారు. వెంటనే ఈ ఆదివారం జరగాల్సిన టౌన్​ప్లానింగ్​.. ఈ నెల 15,16 తేదీల్లో నిర్వహించాల్సిన వెటర్నరీ అసిస్టెంట్​ సర్జన్​ పోస్టుల పరీక్షలను వాయిదా వేస్తున్నట్లు టీఎస్​పీఎస్సీ కార్యదర్శి అనితా రామచంద్రన్​ తెలిపారు. ఈ పరీక్షలను రద్దు చేస్తున్నట్లు అభ్యర్థులకే ఎస్​ఎంఎస్​ రూపంలో సమాచారం చేరవేశామని అధికారులు తెలిపారు. వెంటనే ఈ విషయంపై సమగ్ర దర్యాప్తు జరుపుతామని పేర్కొన్నారు.

ఇవీ చదవండి: