తెరాస డివిజన్​ అధ్యక్ష పదవి ఎన్నికలో కార్యకర్తల మధ్య తోపులాట

రాంనగర్​ తెరాస డివిజన్​లో నేతల మధ్య విభేదాలు బయటపడ్డాయి. అధ్యక్ష ఎన్నిక ప్రత్యక్షంగా జరగాలని ఆ పార్టీ కార్యకర్తలు... నాయకులతో వాగ్వాదానికి దిగారు.

హైదరాబాద్ ముషీరాబాద్‌లో తెరాస కార్యకర్తలు, నాయకుల మధ్య ఘర్షణ వాతావరణం చోటు చేసుకుంది. రాంనగర్​ తెరాస డివిజన్​ అధ్యక్ష పదవి ఎన్నికలో వేదికపై నేతలు, కార్యకర్తలు వాగ్వాదానికి దిగారు. ఎమ్మెల్యే గోపాల్​, ఇంఛార్జీ రాంబాబు యాదవ్​ సమక్షంలో అధ్యక్షుడి ఎన్నిక జరగ్గా... అధ్యక్షుడిని ప్రత్యక్షంగా ఎన్నుకోవాలంటూ కార్యకర్తలు డిమాండ్​ చేశారు. వారి అరుపులు, కేకలతో కాసేపు ఉద్రిక్తత నెలకొంది. అయితే కేటీఆర్​, ఎమ్మెల్యే ఆదేశాల మేరకు తదుపరి నిర్ణయం ఉంటుందని రాంబాబు యాదవ్​ కార్యకర్తలకు నచ్చజెప్పారు.

ఇదీ చూడండి : చంపేశారు.. ప్రమాదంగా చిత్రీకరించారు.. 4 ఏళ్లకు దొరికారు!