ఫిర్యాదులను వేగంగా పరిష్కరించండి:దాన కిశోర్‌

గ్రేటర్‌ హైదరాబాద్‌లో ఫిర్యాదులు ఏవిధంగా వచ్చిన పరిష్కారంపై స్పందిచాలని జీహెచ్‌ఎంసీ కమిషనర్‌ దాన కిశోర్‌ అధికారులను ఆదేశించారు. ఇప్పటికి వరకు వచ్చిన ఫిర్యాదుల్లో 80 శాతానానికి పైగా పరిష్కరించినట్లు ఆయన వెల్లడించారు.

గ్రేటర్‌ హైదరాబాద్‌లోని సమస్యలపై వచ్చే ఫిర్యాదుల పరిష్కారంపై థర్డ్ పార్టీ ద్వారా విచారణ జరిపిస్తామని జీహెచ్ఎంసీ కమిషనర్ దానకిషోర్ ప్రకటించారు. ఈ మేరకు స్వయం సహాయక బృందాల పనితీరుపై కూకట్‌పల్లిలో సమీక్షను నిర్వహించారు. ఫిర్యాదు ఏ విధంగా వచ్చిన స్పందించాలని అధికారులను ఆదేశించారు. ఇప్పటికి వరకు వచ్చిన వాటిల్లో 80 శాతానానికి పైగా పరిష్కరించినట్లు ఆయన వెల్లడించారు. ప్రస్తుత వర్షకాలంలో అంటువ్యాధుల నివారణకు గ్రేటర్‌ పరిధిలో నిర్వహిస్తున్న వైద్య శిబిరాల్లో స్థానికులు పాల్గొనేలా ప్రచారం చేయాలని వివరించారు. ఇటీవల వర్షాలకు దెబ్బతిన్న రోడ్ల పునరుద్ధరణ పనులు వేగంగా చేయాలన్నారు. స్వచ్ఛ ఆటోలుగా గుర్తింపులేని వాటిపై కేసులు నమోదు చేయాలని సూచించారు.

ఇదీచూడండి: ప్రభుత్వం అందించిన సాయం గొప్పది: అమెజాన్​ ఇండియా వైస్​ ప్రెసిడెంట్​