కరోనా వ్యాక్సిన్​పై పుకార్లు నమ్మవద్దు: ఈటల

కొవిడ్​ వ్యాక్సిన్​పై ఎలాంటి పుకార్లు నమ్మవద్దని వైద్యారోగ్యశాఖ మంత్రి ఈటల రాజేందర్​ అన్నారు. వ్యక్తి ఆరోగ్య పరిస్థితికి అనుగుణంగా పెన్సిలిన్ ఇవ్వడం జరుగుతుందని ఆయన తెలిపారు. హైదరాబాద్​లోని సీఎంఆర్ ఐటీ కళాశాల ఆడిటోరియంలో స్ట్రీట్​ కాజ్​ సంస్థ ఆధ్వర్యంలో నిర్వహించిన బృందచర్చ కార్యక్రమంలో మంత్రి పాల్గొన్నారు.

దేశ ఆర్థికవ్యవస్థ కొందరి చేతుల్లోనే కేంద్రీకృతం కావడం ఎప్పటికీ మంచిది కాదని వైద్య, ఆరోగ్యశాఖ మంత్రి ఈటల రాజేందర్​ వ్యాఖ్యానించారు. హైదరాబాద్​లోని సీఎంఆర్ ఐటీ కళాశాల ఆడిటోరియంలో స్ట్రీట్​ కాజ్​​ అనే సంస్థ నిర్వహించిన బృంద చర్చలో మంత్రి పాల్గొన్నారు.

ఏటా ఇలాంటి కార్యక్రమాలు చేపట్టి.. దాతల ద్వారా వచ్చిన సొమ్మును గ్రామాల్లో మౌలిక వసతుల కల్పనకు వినియోగిస్తున్నామని స్ట్రీట్ కాజ్​​ సంస్థ ప్రతినిధులు తెలిపారు. కరోనా టీకాపై పుకార్లను నమ్మవద్దని.. శాస్త్రవేత్తల శ్రమను చులకన చేసి మాట్లాడటం సరికాదని బృందచర్చలో ఈటల పేర్కొన్నారు. ప్రజలందరి జీవన ప్రమాణాలు సమానంగా మారినపుడే దేశం పురోగమిస్తుందని ఆయన అభిప్రాయపడ్డారు.

ఇదీ చూడండి:భారీగా తరలివచ్చిన పట్టభద్రులు... 60 శాతానికి పైగా పోలింగ్‌!