గ్రేటర్ హైదరాబాద్ ఉప్పల్ జీహెచ్ఎంసీ సర్కిల్ పరిధిలో కరోనా వైరస్ బాధితులకు సమస్యలు తప్పడం లేదు. ఆసుపత్రిలో పరీక్షలు చేయించుకున్న బాధితులు హోం ఐసోలేషన్లో ఉండి చికిత్స పొందుతున్న వారికి ప్రభుత్వం ఉచితంగా మెడికల్ కిట్స్ ఇస్తామని, వారికి పోలీసు, వైద్య ఆరోగ్య, జీహెచ్ఎంసీ ఆధ్వర్యంలో కావాల్సిన సేవలు అందించేందుకు అందుబాటులో ఉంటారని చెబుతున్నా.. అలాంటి సేవలు కనిపించడం లేదు.
హోం ఐసోలేషన్లో బాధితుల వ్యథ వర్ణనాతీతం.. - గ్రేటర్ హైదరాబాద్
కరోనా కట్టడిని అధికారులు పట్టించుకోవడం లేదని బాధితులు వాపోతున్నారు. పాజిటివ్ వచ్చిన వ్యక్తులను పట్టించుకునే వాళ్లు కరవయ్యారని ఆగ్రహం వ్యక్తం చేస్తున్నారు. ఉప్పల్ జీహెచ్ఎంసీ సర్కిల్ పరిధిలో హోం ఐసోలేషన్లో ఉండి చికిత్స పొందుతున్న వారికి ప్రభుత్వం మెడికల్ కిట్స్ కూడా ఇవ్వడం లేదని ఆరోపిస్తున్నారు.
హోం ఐసోలేషన్లో ఉండి చికిత్స పొందుతున్న వారికి తప్పని సమస్యలు!
వైరస్ నిర్థరణ అయిన బాధితుడి నివాసానికి వెళ్లిన పోలీసులు, జీహెచ్ఎంసీ సిబ్బంది వివరాలు సేకరించి వెళ్తున్నారు. బాధితుడే కంట్రోల్ రూంకు ఫోన్ చేస్తే పది రోజుల తర్వాత సిబ్బంది వచ్చి ప్రభుత్వం అందించే మెడికల్ కిట్స్ ఇస్తున్నారు. అప్పటి వరకు బాధితుడే చికిత్సకు అయ్యే ఖర్చులను భరిస్తున్నారు.
ఇవీ చూడండి: తెలంగాణలోని కోర్టుల్లో సెప్టెంబర్ 5 వరకూ లాక్‌డౌన్ పొడిగింపు