హంపీ పీఠాధిపతి ఆధ్వర్యంలో మహా పడిపూజ

భాగ్యనగరం శరణుఘోషతో పులకించిపోతోంది. కర్మన్​ఘాట్​లోని హరిహర క్షేత్రంలో హంపీ పీఠాధిపతి విరుపాక్ష విద్యారణ్య భారతీ ఆధ్వర్యంలో ఏకశిల పదునెట్టాంపడిపూజ కన్నుల పండువగా సాగింది.

హైదరాబాద్ నగరం అయ్యప్ప నామస్మరణలతో మార్మోగుతోంది. కర్మన్​ఘాట్​లోని హరిహర క్షేత్రం శరణుఘోషతో పులకించిపోయింది. ఏకశిల పదునెట్టాంపడి పూజను గురుస్వామి అక్కి మహేశ్​గౌడ్ నిర్వహించారు. రంజిత్ తంత్రి ఆధ్వర్యంలో క్రతువు పూర్తి చేశారు. హంపీ పీఠాధిపతి విరుపాక్ష విద్యారణ్య భారతీ స్వామి ముఖ్య అతిధిగా హారయ్యారు.

గురుస్వామి అక్కి మహేశ్​తోపాటు హంపీ పీఠాధిపతి పడి వెలిగించారు. అయ్యప్ప భక్తులు భజనలు చేస్తూ పారవశ్యంలో మునిగిపోయారు. ఏకశిల పదునెట్టాంపడి పూజను కనులారా వీక్షించి తన్మయత్వంలో మునిగిపోయారు.