'ఆధార్​కార్డులో మోదీకి ముందు చౌకిదార్​ పెట్టుకో'

నిన్న రాత్రి హైదరాబాద్​ బహదుర్​పురలో అక్బరుద్దీన్ మోదీపై విరుచుకుపడ్డారు. అప్పడు చాయ్​వాలా... ఇప్పుడు చౌకిదార్​ అంటూ ప్రజల్ని మోసం చేస్తున్నారని విమర్శించారు.

హైదరాబాద్​ బహదుర్​పుర నియోజకవర్గంలో కిషన్​బాగ్​ ప్రాంతంలో మజ్లిస్ ఆధ్వర్యంలో భారీ బహిరంగ సభ జరిగింది. ముఖ్య అతిథిగా ఎమ్మెల్యే అక్బరుద్దీన్ హాజరయ్యారు. మోదీ 2014లో చాయ్​వాలా అంటూ అధికారంలోకి వచ్చారని... ఇప్పుడు మళ్లీ చౌకిదార్ అంటూ ప్రజల్ని మోసం చేస్తున్నారని అక్బరుద్దీన్ విమర్శించారు. ఆధార్​కార్డులో, ఓటర్​ కార్డులో మోదీకి ముందు చౌకిదార్​ అని పెట్టుకోమని ఎద్దేవా చేశారు. దేశాభివృద్ధిపై దృష్టి లేదని, గో రక్షణ పేరుతో ఎస్సీలను, ముస్లింలను చంపడమే పనిగా పెట్టుకున్నారని ఆరోపించారు.

ఇదీ చూడండి:నామపత్రాల సమర్పణకు నేడే ఆఖరి రోజు