Bandi Sanjay who criticized KCR: ప్రధానమంత్రి నరేంద్ర మోదీ ఇచ్చిన రేషన్ బియ్యంపై కేసీఆర్ తన ఫోటో పెట్టుకుంటున్నారని బీజేపీ రాష్ట్ర అధ్యక్షుడు బండి సంజయ్ ఆరోపణలు చేశారు. రేషన్ బియ్యానికి సైతం కేంద్రమే డబ్బులు చెల్లిస్తుందన్నారు. ప్రభుత్వం కొనే ధాన్యానికి డబ్బులిచ్చేది కేంద్రమేనని.. సీఎం కేసీఆర్ కేవలం మధ్యవర్తిత్వం మాత్రమే చేస్తున్నారని తెలిపారు. నిర్మల్ జిల్లా కుభీర్ మండలంలో 4వ రోజు ప్రజా సంగ్రామ యాత్రను బండి సంజయ్ ప్రారంభించారు.
ప్రజలందరినీ సన్నబియ్యం పండించమన్న ముఖ్యమంత్రి తన ఫాంహౌస్లో మాత్రం దొడ్డు బియ్యం పండిస్తున్నారని ఆరోపించారు. ప్రధాని మోదీ పేదలకు ఇళ్లు కట్టించి ఇస్తున్నారు.. మరి సీఎం కేసీఆర్ ఏమి చేస్తున్నారని ప్రశ్నించారు. ప్రధాని లక్షల మందికి ఉద్యోగాలు ఇచ్చారు.. రాష్ట్ర ప్రభుత్వం ఎన్ని ఉద్యోగాలు ఇచ్చిందో చెప్పాలని కోరారు. ఇప్పుడు చెప్పండి మోదీ గొప్పోడా.. కేసీఆర్ గొప్పోడా.. అని అడిగారు.