ప్రముఖ గ్రాండ్స్లామ్ టోర్నీ ఆస్ట్రేలియన్ ఓపెన్లో భారత పోరాటం ముగిసింది. మిక్స్డ్ డబుల్స్లో ఇవాళ జరిగిన క్వార్టర్స్లో రోహన్ బోపన్న ద్వయం ఓడిపోయింది. ప్రత్యర్థి జట్టు ఐదో సీడ్ నికోలా మెక్టిక్-బార్బోరా క్రిజికోవా జంట చేతిలో 6-0, 6-2 తేడాతో పరాజయం చెందింది బోపన్న-నదియా జోడీ.
ఆస్ట్రేలియన్ ఓపెన్లో ముగిసిన భారత్ పోరాటం
ఆస్ట్రేలియన్ ఓపెన్ మిక్స్డ్ డబుల్స్లో భారత క్రీడాకారుడు రోహన్ బోపన్న జోడీ ఓటమి పాలైంది. తాజాగా జరిగిన క్వార్టర్స్ మ్యాచ్లో ఐదో సీడ్ నికోలా మెక్టిక్, బార్బోరా క్రిజికోవా ద్వయం చేతిలో వరుస సెట్లలో పరాజయం చెందిందీ బోపన్న ద్వయం.
ఆస్ట్రేలియన్ ఓపెన్: భారత ఆశలు ఆవిరి.. క్వార్టర్స్లో బోపన్న ఓటమి
మిక్స్డ్ డబుల్స్లో భారత క్రీడాకారిణి సానియా మీర్జాతో కలిసి బోపన్న బరిలోకి దిగాల్సింది. కానీ ఆమె కాలిపిక్క గాయం కారణంగా టోర్నీ ఆరంభంలోనే తప్పుకోగా.. నదియా కిచనోవ్(ఉక్రెయిన్)తో కలిసి బరిలోకి దిగాడు. క్వార్టర్స్లో ఓడిపోవడం వల్ల ఈ ఏడాది తొలి గ్రాండ్స్లామ్ టోర్నీలో భారత్కు నిరాశ ఎదురైంది.
బుధవారం జరిగిన మిక్స్డ్ డబుల్స్ మ్యాచ్లో భారత సీనియర్ టెన్నిస్ ఆటగాడు లియాండర్ పేస్ జోడీ రెండో రౌండ్లోనే ఇంటిముఖం పట్టింది. ఇందులో జెలెనా ఒత్సపెంకో(లాత్వియా)తో కలిసి బరిలోకి దిగాడు పేస్. ఈ మ్యాచ్లో బెనాతీ- బ్రిటాన్ జామీ ముర్రే చేతిలో 6-2, 7-5 తేడాతో ఓడిపోయింది పేస్ ద్వయం.
Last Updated : Feb 28, 2020, 1:57 PM IST