ఆస్ట్రేలియన్‌ ఓపెన్‌ గ్రాండ్‌స్లామ్‌లో భాగంగా జర్మనీ టెన్నిస్ స్టార్ అలెగ్జాండర్‌ జ్వెరెవ్‌కు ఓ వింత అనుభవం ఎదురైంది. ఎంతో ఉత్కఠంగా జరుగుతున్న మ్యాచ్ సమయంలో ఆకాశంలో అటుగా వెళ్తున్న ఓ పిట్ట అతని తలపై రెట్ట వేసింది. దీంతో ఒక్కసారిగా అభిమానులు షాక్కు గురయ్యారు. తీరా ఈ విషయాన్ని గ్రహించిన జ్వెరెవ్‌ ఒక్క క్షణం ఆగి దాన్ని తుడుచుకున్నాడు. ఆ తర్వాత మ్యాచ్‌ను కంటిన్యూ చేశాడు. ఇది చూసిన అభిమానులు ఒక్కసారి నవ్వుకున్నప్పటికీ మ్యాచ్ మధ్యలో ఇలా జరిగిందేంటి అని ఆశ్చర్యపోయారు. ప్రస్తుతం దీనికి సంబంధించిన వీడియో సోషల్‌ మీడియాలో వైరలవుతోంది.
స్టేడియంలో టెన్నిస్ స్టార్కు వింత అనుభవం.. ఎంత పని చేశావే పిట్ట!
జర్మనీ టెన్నిస్ స్టార్ అలెగ్జాండర్‌ జ్వెరెవ్‌కు ఆస్ట్రేలియన్‌ ఓపెన్‌ గ్రాండ్‌స్లామ్‌లో ఓ వింత అనుభవం ఎదురైంది. దీంతో ఒక్కసారిగా అభిమానులు షాక్కు గురయ్యారు!. అసలు ఏం జరిగిందంటే..
Alexander Zverev at Australian Open 2023
కాగా, తొలి సెట్‌లో 2-2 స్కోరు సమానంతో టైబ్రేక్‌ ఆడుతున్న సమయంలో ఈ ఘటన జరిగింది. ఇక ప్రపంచ 13వ ర్యాంకర్‌ అయిన అలెగ్జాండర్‌ జ్వెరెవ్‌ రెండో రౌండ్‌లోనే ఇంటిముఖం పట్టాడు. అమెరికాకు చెందిన అన్‌సీడెడ్‌ మైకెల్‌ మోహ్‌ చేతిలో జ్వెరెవ్‌ 6-7(1), 6-4, 6-3,6-2తో ఓటమి పాలయ్యాడు. తొలి సెట్‌ను టైబ్రేక్‌లో సొంతం చేసుకున్న జ్వెరెవ్‌ ఆ తర్వాత అదే ఆటతీరును కనబరచడంలో విఫలమయ్యాడు. వరుస సెట్లలో మోహ్‌ చేతిలో కంగుతిన్నాడు.