దిగ్గజ స్ప్రింటర్‌ ఉసేన్ బోల్ట్ బ్యాంక్ అకౌంట్ నుంచి సుమారు 12 మిలియన్‌ డాలర్లు మాయమైన విషయం వల్ల అతను మానసికంగా కుంగిపోయారని సోషల్ మీడియాలో అనేక వార్తలు చక్కర్లు కొడుతున్నాయి. అయితే అవన్ని అసత్యాలంటూ ఆయనే వెల్లడించారు. ఓ ఛానెల్‌కు ఇచ్చిన ఇంటర్య్వూలో ఆయన అసలు విషయాన్ని బయట పెట్టారు.
రూమర్స్పై స్పందించిన ఉసేన్ బోల్ట్.. అవన్ని నిజాలు కావంటూ..
ఇటీవలే తన ఖాతాలో నుంచి 12 మిలియన్‌ డాలర్లు మాయమైన విషయంపై స్పందించారు దిగ్గజ స్పింటర్ ఉసేన్ బోల్ట్. అంతే కాకుండా తన పై వస్తున్న రూమర్స్కు చెక్ పెట్టారు బోల్ట్.
usain bolt
''మనం కష్టపడి సంపాదించిన రూపాయి కళ్లముందే పోగొట్టుకుంటే ఆ బాధ ఎలా ఉంటుందో ప్రత్యేకంగా చెప్పనవసరం లేదు. ఆ విషయం నాకు బాధాకరం.. చాలా నిరాశ చెందాను. అయితే నేను మానసిక వేదనకు గురయినట్లు కొన్ని వార్తలు వినిపించాయి. ఈ విషయంలో నాకు నేను కన్ఫ్యూజ్‌ అయ్యను. ఒక్క విషయం క్లారిటీగా చెప్తున్నా. డబ్బు పోయినందుకు బాధగానే ఉన్నప్పటికి మనసు మాత్రం ముక్కలవ్వలేదు. ఆ డబ్బు ఎలా రాబట్టుకోవాలనేది మా లాయర్లు చూసుకుంటారు. ఆ బాధ్యతను వారికి అప్పగించాను. నా ఫ్యామిలీని చూసుకోవాల్సిన బాధ్యత నాపై ఉంది. మీకందరికి తెలుసు నాకు ముగ్గురు పిల్లలు.. వాళ్లతో పాటు నా తల్లిదండ్రులను కూడా చూసుకుంటున్నాను. ఈ పరిస్థితుల్లో అనవసర ఒత్తిడికి గురవ్వడం ఇష్టం లేదు. ఏం రాసిపెట్టుంటే అదే జరుగుతుంది.'' అని అన్నారు.