భారత దిగ్గజ క్రికెటర్‌ సచిన్ తెందూల్కర్(sachin tendulkar twitter today) సామాజిక మాధ్యమాల్లో చురుగ్గా ఉంటాడు. ఎప్పటికప్పుడు పలు విషయాలపై తన అభిప్రాయాలను పంచుకుంటుంటాడు. అలాగే, ఈ రోజు కూడా సచిన్ ఓ ఆసక్తికర వీడియోను షేర్ చేశాడు.
ఈ శునకం కీపరా?.. ఆల్రౌండరా?.. సచిన్ వీడియో వైరల్
టీమ్ఇండియా దిగ్గజం సచిన్ తెందూల్కర్(sachin tendulkar twitter today) సామాజిక మాధ్యమాల్లో ఓ ఫన్నీ వీడియోను షేర్ చేశాడు. శునకం క్యాచింగ్ నైపుణ్యాల్ని మెచ్చుకుంటూ ఈ వీడియోను పోస్ట్ చేశాడు.
Sachin
"ఓ స్నేహితుడి ద్వారా ఈ వీడియో నా వద్దకు వచ్చింది. క్రికెట్లో మనం వికెట్ కీపర్లు, ఫీల్డర్లు, ఆల్‌రౌండర్లను చూసుంటాం. కానీ, ఈ శునకం చేస్తున్న పనికి మీరైతే ఏం పేరు పెడతారు?" అని సచిన్ ఆ వీడియోకు క్యాప్షన్ రాసుకొచ్చాడు.
ఇంతకు ఆ వీడియోలో ఏముందంటే.. ఇద్దరు పిల్లలు క్రికెట్‌ ఆడుతుండగా.. వారికి ఓ శునకం సాయం చేస్తుంటుంది. వికెట్ కీపింగ్‌, ఫీల్డింగ్ ఇలా అన్ని పనులు చేస్తుంటుంది. బంతిని నోట కరుచుకుని బౌలర్‌కి అందిస్తుంటుంది. ఈ శునకం క్యాచింగ్ నైపుణ్యాలకు ముగ్ధుడైన సచిన్ ఆ వీడియోను తన ట్విట్టర్లో షేర్ చేసి ఆనందం వ్యక్తం చేశాడు. మీరూ ఆ వీడియోను చూసేయండి.