న్యూజిలాండ్తో జరుగుతున్న మ్యాచ్లో బంగ్లాదేశ్ 49.2 ఓవర్లలో 244 పరుగులకు ఆలౌటైంది. లండన్ ఓవల్ వేదికగా జరుగుతున్న మ్యాచ్లో షకీబ్ అల్ హసన్(64) అర్ధశతకంతో ఆకట్టుకోగా.. మిగతా బ్యాట్స్మెన్ నిలకడగా ఆడారు. కివీస్ బౌలర్లలో మ్యాట్ హెన్రీ 4 వికెట్లతో రాణించగా.. బౌల్ట్ రెండు.. ఫెర్గ్యూసన్, గ్రాండ్హోమ్, మిషెల్ సాంట్నర్ తలో వికెట్ తమ ఖాతాలో వేసుకున్నారు.
టాస్ ఓడి బ్యాటింగ్కు దిగిన బంగ్లాదేశ్కు శుభారంభం దక్కింది. ఓపెనర్లు 45 పరుగుల భాగస్వామ్యం నమోదు చేశారు. సౌమ్యా సర్కార్(25)ను ఔట్ చేసి ఈ జోడీని విడదీశాడు హెన్రీ. కాసేపటికే మరో ఓపెనర్ తమీమ్(24) ఫెర్గ్యూసన్ బౌలింగ్లో వెనుదిరిగాడు. అనంతరం క్రీజులోకి వచ్చిన షకీబ్.. ముష్ఫీకర్ సాయంతో ఇన్నింగ్స్ చక్కదిద్దే ప్రయత్నం చేశాడు. ఈ జోడీ 50 పరుగుల భాగస్వామ్యం నమోదు చేసింది.
షకీబ్ అర్ధశతకం..