తన అక్క బాటలోనే నడుస్తోంది భారత టెన్నిస్ స్టార్ సానియా మీర్జా సోదరి ఆనం మీర్జా. టీమిండియా మాజీ క్రికెటర్ అజారుద్దీన్ తనయుడు అసద్ను వివాహం చేసుకోనుంది ఆనం. డిసెంబరులో వీరి పరిణయం జరగనుంది.
కొద్దికాలంగా అసద్ - ఆనం ప్రేమలో ఉన్నట్లు వార్తలు వచ్చాయి. వాటిని ధృవీకరిస్తూ... పెళ్లితో అసద్ - ఆనం ఒక్కటవుతున్నారని ఓ ఇంటర్వ్యూలో చెప్పింది సానియా. అతడి ఫొటో పెట్టి ఫ్యామిలీ అని ఇన్స్టాలో పోస్టు చేసింది సానియా.
"ఆనం డిసెంబరులో పెళ్లి చేసుకోనుంది. బ్యాచిలర్ ట్రిప్లో భాగంగా ఈరోజే పారిస్ నుంచి తిరిగొచ్చాం. మేము ఈ వివాహం కోసం ఎంతో ఉత్కంఠగా ఎదురుచూస్తున్నాం. ఆమె ఓ మంచి అబ్బాయిని పెళ్లి చేసుకోబోతుంది. అతడు అజారుద్దీన్ తనయుడైన అసద్ అయినందుకు ఎంతో ఆనందంగా ఉంది" -సానియా మీర్జా, టెన్నిస్ క్రీడాకారిణి
పాక్ క్రికెటర్ షోయబ్ మాలిక్ను వివాహం చేసుకుంది సానియా మీర్జా. ఇప్పుడూ ఆమె సోదరి కూడా క్రికెట్ నేపథ్యమున్న వ్యక్తినే పెళ్లి చేసుకోనుండటం విశేషం.
ఇదీ చదవండి: వన్డేల్లో రెండో స్థానంలోనే మహిళా టీమిండియా
