'రషీద్​.. ఆ బ్యాట్​ ఐపీఎల్​కు తీసుకురా'

బిగ్​బాష్​ లీగ్​లో సరికొత్త బ్యాట్​తో కనువిందు చేశాడు అఫ్గాన్ ఆటగాడు రషీద్ ఖాన్. మెల్​బోర్న్ రెనెగేడ్స్​తో జరిగిన మ్యాచ్​లో అదరగొట్టాడు. అయితే ఈ బ్యాట్​ విషయమై సన్​రైజర్స్ హైదరాబాద్ స్పందించింది.

అఫ్గానిస్థాన్ క్రికెటర్ రషీద్‌ ఖాన్‌ ప్రస్తుతం బిగ్‌బాష్‌ లీగ్‌లో(బీబీఎల్‌) అదరగొడుతున్నాడు. అడిలైడ్‌ స్ట్రైకర్స్‌కు ఆడుతున్న రషీద్​.. మెల్‌బోర్న్ రెనెగేడ్స్​తో మ్యాచ్​లో సరికొత్త బ్యాట్‌తో అందరి దృష్టిని ఆకర్షించాడు. కేవలం 16 బంతుల్లోనే 25 పరుగులు సాధించాడు. ఇందులో 2 ఫోర్లు, 2 సిక్స్‌లు ఉన్నాయి. అలాగే 4 ఓవర్లలో 15 పరుగులు ఇచ్చి, 2 వికెట్లు తీసిన ఈ అఫ్గాన్ సంచలనం.. జట్టు విజయంలో కీలక పాత్ర పోషించాడు.

అయితే రషీద్‌ ఉపయోగించిన ఈ బ్యాట్‌ను 'ద కెమల్‌' అని పేర్కొంటూ క్రికెట్‌ ఆస్ట్రేలియా ట్వీట్‌ చేసింది. దీనిపై ఐపీఎల్​ జట్టు సన్‌రైజర్స్‌ హైదరబాద్ స్పందించింది. "రషీద్‌ ఆ బ్యాట్‌ను 2020 ఐపీఎల్‌కు తీసుకురా" అంటూ ట్వీట్‌ చేసింది. బదులిచ్చిన రషీద్‌.. "ఐపీఎల్‌ 2020కి తప్పకుండా కెమల్‌ బ్యాట్‌ తీసుకువస్తా" అని రాసుకొచ్చాడు.

ఇవీ చూడండి.. విజ్డెన్​ దశాబ్దపు టీ20 జట్టులో కోహ్లీ, బుమ్రా