​గేల్​ను తలపిస్తున్న ఈ బుడతడు ఎవరు?

ఓ చిన్నారి అద్భుత బ్యాటింగ్ కనబర్చిన వీడియోను సోషల్​ మీడియాలో పోస్ట్​ చేశాడు టీమ్​ఇండియా మాజీ క్రికెటర్ ఆకాశ్ చోప్రా. దీంతో ఆ బుడతడిని​ చూసి క్రిస్​ గేల్​, యువరాజ్​ సింగ్​లను గుర్తు చేసుకుంటున్నారు నెటిజన్లు.

టీమ్​ఇండియా మాజీ క్రికెటర్ ఆకాశ్​ చోప్రా అసాధారణ క్రికెట్​ షాట్లు ఆడుతున్న ఓ చిన్న పిల్లాడి వీడియోను ఇన్​స్టాగ్రామ్​లో పోస్ట్​ చేశాడు. ఇందులో ఎడమ చేతివాటం కలిగిన ఆ బుడతడు.. మెట్లపై బ్యాట్​ పట్టుకుని ఓపెన్​ స్టాండింగ్​లో నిలబడి వచ్చిన బంతిని వచ్చినట్లే బాదుతున్నాడు. ఈ క్రమంలోనే ఈ వీడియోను సోషల్​ మీడియాలో అభిమానులతో పంచుకున్న ఆకాశ్​.. అతని బ్యాటింగ్​ ప్రతిభను చూసి ప్రశంసించాడు. పిల్లాడు ఒక్కో బంతిపై విరుచుకుపడుతుంటే.. అందుకు అనుగుణంగా కామెంటరీ ఇచ్చాడు ఆకాశ్​.

ప్రస్తుతం ఈ వీడియోపై నెటిజన్లు కామెంట్ల వర్షం కురిపిస్తున్నారు. కొంత మంది ఆ పిల్లాడిని కింగ్స్​ ఎలెవెన్​ పంజాక్​ క్రికెటర్​ క్రిస్​ గేల్​తో పోల్చగా.. మరికొందరు 2007 ప్రారంభ ప్రపంచ టీ20లో యువరాజ్​ సింగ్​ బాదిన సిక్సర్లను గుర్తు చేసుకున్నారు.

తరచూ సోషల్​ మీడియాలో యాక్టీవ్​గా ఉండే ఆకాశ్​.. ఎక్కడైనా చిన్న పిల్లలు అద్భుతమైన క్రికెట్​ నైపుణ్యాలను కనబరిస్తే వాటిని షేర్​ చేస్తుంటాడు. ఆ వీడియోకు తన కామెంటరీనీ జోడించి.. వీక్షకులకు మరింత ఆసక్తికరంగా మారుస్తాడు.