బాలీవుడ్ టాప్ నటుడుగా ఉన్న అమీర్.. తన మొదటి భార్య కొడుకు జునైద్ను వెండితెరకు ఎప్పుడు పరిచయం చేస్తాడా అంటూ ఎప్పుడూ ప్రశ్నలు లేవనెత్తుతూనే ఉంటుంది మీడియా. ఈ విషయంపై మరోసారి తన అభిప్రాయం వెల్లడించాడీ పీకే నటుడు.
- సినిమాలకు తన పేరు, ప్రఖ్యాతలతో కాకుండా ప్రతిభతో రావాలి. ఇష్టం ఉన్న ఏ రంగాన్ని ఎంచుకున్నా ఫర్వాలేదంటూ అభిప్రాయం వ్యక్తం చేశాడు అమిర్ ఖాన్.
- ఎలాంటి నిర్ణయమైనా స్వేచ్ఛగా తీసుకోవాలని జునైద్కు చెప్పినట్లు అమిర్ తెలిపాడు. ప్రస్తుతం సినిమాల కంటే నాటకాలను నిర్మించాలనే పట్టుదలతో ఉన్నాడంటూ వెల్లడించాడు అమీర్.
ఇప్పటికే థియేటర్కు సంబంధించిన కోర్సులు చేశాడు. ఈ విషయంలో నా తోడ్పాటు, ప్రోత్సాహం ఇస్తున్నా. అతడు చాలా తెలివైనవాడు అంటూ మాట్లాడాడు ఈ దంగల్ నటుడు.
గతంలో ఈ స్టార్ నటించి రాజ్కుమార్ హిరానీ దర్శకత్వం వహించిన 'పీకే' చిత్రానికి అసిస్టెంట్ డైరెక్టర్గా పనిచేశాడు జునైద్.
- గతంలోనూ జునైద్ సినిమా అరంగేట్రంపై మాట్లాడుతూ...నా కొడుకు సినిమాల్లోకి రావాలంటే స్వతహాగా ఆడిషన్స్కు వెళ్లి ఎంపిక కావాలి. టాలెంట్, ప్రత్యేకత నాకు నచ్చితే నేనే ఆ వైపుగా ప్రోత్సహిస్తా అంటూ స్పష్టంచేశాడు.
రెండో భార్య కిరణ్రావ్తో
రెండు, మూడు సంవత్సరాల క్రితం కిరణ్ నాతో చెప్పిందేంటంటే... నేను తనని, పిల్లల్ని పట్టించుకోవట్లేదని ఫిర్యాదు చేసింది. అప్పటి నుంచి నేను మారాను. అందుకే సాయంత్రం 6 గంటలకు ఇంటికి చేరుకుంటున్నాను. రెండు గంటలు నా ఎనిమిదేళ్ల చిన్న కొడుకు ఆజాద్తో ఆడుకుని మళ్లీ నా పనిలో మునిగిపోతున్నాను. కానీ ఆ రెండు గంటలే నేను వాడితో ఉండగలుగుతున్నా.
-- అమీర్ ఖాన్, బాలీవుడ్ నటుడు
భార్య కిరణ్రావ్, ఆజాద్తో అమీర్
