పదిహేడేళ్లకే హీరోయిన్గా అవకాశం దక్కించుకున్నారు కన్నడ భామ కృతిశెట్టి. ఆమె నటిస్తోన్న తొలి చిత్రం 'ఉప్పెన' విడుదల కాకముందే కృతి అందానికి కుర్రకారు ఫిదా అయ్యారు. అలా చిన్న వయసులోనే చిత్రసీమలో అడుగుపెట్టిన హీరోయిన్గా స్టార్ హోదా పొందిన వారు చాలామంది ఉన్నారు. ఈ సందర్భంగా టాలీవుడ్లో తక్కువ వయసులోనే కథానాయికలుగా మారిన వారెవరో తెలుసుకుందాం.
కృతిశెట్టి
కర్ణాటక మంగుళూరులో 2003 సెప్టెంబరు 21న పుట్టింది కృతిశెట్టి. చిన్నప్పుడే మోడల్గా కెరీర్ ప్రారంభించి పలు వాణిజ్య ప్రకటనల్లో నటించింది. 17 ఏళ్లకే 'ఉప్పెన' సినిమాకు హీరోయిన్గా ఎంపికైంది. ఫిబ్రవరి 12న ఈ చిత్రం ప్రేక్షకుల ముందుకు రానుంది. తొలిచిత్రం విడుదల కాకముందే 'శ్యామ్సింగరాయ్', సుధీర్బాబు-మోహన్కృష్ణ ఇంద్రగంటి చిత్రంలో ఛాన్సు కొట్టేసింది.
మాళవిక శర్మ
మాళవిక శర్మ.. 1999 జనవరి 26న ముంబయిలో జన్మించింది. మోడలింగ్లో అడుగుపెట్టి వాణిజ్య ప్రకటనల్లో నటించింది. ఆ తర్వాత 'ది వే హోమ్'(2010) చిత్రంలో చిన్నపాత్ర చేసింది. రవితేజ 'నేల టికెట్టు' సినిమా కోసం 19 ఏళ్లకే హీరోయిన్గా అవకాశాన్ని దక్కించుకుంది. ఇటీవల సంక్రాంతికి వచ్చిన 'రెడ్' చిత్రంలోనూ ఓ కథానాయికగా చేసింది.
శ్వేతాబసు ప్రసాద్
పదేళ్ల వయసు నుంచే బాలీవుడ్లో బాలనటిగా చేస్తూ.. 17 ఏళ్ల వయసులోనే 'కొత్త బంగారు లోకం'తో హీరోయిన్గా అరంగేట్రం చేసింది శ్వేతబసు ప్రసాద్. ఆ తర్వాత తెలుగు, తమిళ, బెంగాలీ సినిమాల్లో వరుస ఆఫర్లను దక్కించుకుని గుర్తింపు తెచ్చుకుంది. ప్రస్తుతం హిందీ చిత్రం 'ఇండియా లాక్డౌన్'లో నటిస్తుంది.
హన్సిక
హన్సిక మోత్వానీ.. మహారాష్ట్రలోని ముంబయిలో 1991 ఆగస్టు 9న జన్మించింది. బుల్లితెర నుంచి కెరీర్ ప్రారంభించి, బాలీవుడ్లోని పలు చిత్రాల్లో బాలనటిగా మెప్పించింది. టాలీవుడ్లో అల్లు అర్జున్ - పూరీ జగన్నాథ్ కాంబినేషన్లో వచ్చిన 'దేశముదురు' సినిమా కోసం 16 ఏళ్లకే హీరోయిన్గా ఎంపికైంది. ఆ తర్వాత తెలుగు, తమిళంలో చాలా సినిమాలు చేసింది. తెలుగులో చివరగా 'తెనాలి రామకృష్ణ బీఏ బీఎల్'తో మెప్పించారు. ప్రస్తుతం తమిళ చిత్రం 'మహా'లో నటిస్తున్నారు.
నివేదా థామస్
కేరళలోని కన్నూర్లో 1995 నవంబరు 2న నివేదా థామస్ పుట్టింది. టీవీ సీరియల్స్లో బాలనటిగా కెరీర్ను ప్రారంభించిన ఈమె.. ఆ తర్వాత మలయాళంలో తెరకెక్కిన 'వేరుతు ఓరు భార్య' సినిమాకుగాను బాలనటిగా కేరళ రాష్ట్ర అవార్డును అందుకుంది. ఇదే ఆమె నటించిన తొలిచిత్రం కావడం విశేషం.
14 ఏళ్ల వయసులోనే మలయాళ సినిమాల్లో నివేదా ప్రధాన పాత్రలు పోషించింది. 19 ఏళ్లకే టాలీవుడ్లో 'జెంటిల్మ్యాన్' చిత్రంతో హీరోయిన్గా పరిచయమైంది. ప్రస్తుతం 'వకీల్ సాబ్', 'శ్వాస' సినిమాలతో పాటు సుధీర్ వర్మ దర్శకత్వంలో నటిస్తోంది.
ఇదీ చూడండి:
