రన్నింగ్​ ట్రాక్​పై దూసుకెళ్తోన్న తాప్సీ

'బద్లా', 'గేమ్ ఓవర్', 'మిషన్ మంగళ్' చిత్రాలతో ఈ ఏడాది హ్యాట్రిక్ విజయాలు అందుకున్న తాప్సీ మరో వినూత్న పాత్రలో ప్రేక్షకుల్ని అలరించేందుకు సిద్ధమైంది. 'రష్మీ రాకెట్'​ పేరుతో తెరకెక్కుతోన్న ఈ సినిమా మోషన్​ పోస్టర్​ శుక్రవారం విడుదలైంది.

వినూత్న సినిమాలు, విలక్షణ నటనతో బాలీవుడ్​లో తనదైన రీతిలో రాణిస్తోంది హీరోయిన్ తాప్సీ. ఇప్పుడు.. ప్రముఖ గుజరాతీ అథ్లెట్ రష్మీ జీవితం ఆధారంగా వస్తున్న 'రష్మీ రాకెట్'​ చిత్రంలో నటిస్తోంది. మోషన్ పోస్టర్​ను శుక్రవారం విడుదల చేసింది చిత్రబృందం.

"తర్వాతి మిషన్​ కోసం ట్రాక్​పై దూసుకెళ్లేందుకు సిద్ధమైందీ రాకెట్" అంటూ బాలీవుడ్ నటుడు అక్షయ్​కుమార్ ట్వీట్ చేశాడు.

ఈ సినిమాకు ఆకర్ష్ ఖురానా దర్శకత్వం వహిస్తున్నాడు. రోనీ స్క్రూవాలా, నేహా ఆనంద్, ప్రంజల్ సంయుక్తంగా నిర్మిస్తున్నారు.

ఈ ఏడాది ఇప్పటికే 'బద్లా', 'గేమ్ ఓవర్', 'మిషన్ మంగళ్'లతో మంచి విజయాలను అందుకున్న తాప్సీ.. వరుస చిత్రాలతో దూసుకెళ్తోంది. ప్రస్తుతం 'సాంద్​ కీ ఆంఖ్​', 'తడ్కా' సినిమాల్లో నటిస్తోంది.

ఇది చదవండి: అత్యంత ఖరీదైన కారు కొన్న అజయ్​దేవ​గణ్​