సైరా మేకింగ్​ వీడియో అదుర్స్​!

మెగాస్టార్ చిరంజీవి నటించిన సైరా మేకింగ్ వీడియోను విడుదల చేసింది చిత్రబృందం. యాక్షన్​ ఘట్టాలను ఇందులో చూపించారు. సురేందర్ రెడ్డి దర్శకత్వం. నయనతార కథానాయిక. ఆగస్టు 20న టీజర్​ను ప్రేక్షకుల ముందుకు తీసుకురానుంది చిత్రబృందం.

మెగాస్టార్ చిరంజీవి 151వ చిత్రం సైరా. ఈ సినిమా కోసం అభిమానులు ఎప్పుడెప్పుడా అని ఎదురుస్తున్నారు. స్వాతంత్ర్య దినోత్వవం సందర్భంగా సైరా మేకింగ్ వీడియోను విడుదల చేసింది చిత్రబృందం. యాక్షన్ ఘట్టాలను, భారీ సెట్లను ఇందులో చూపించారు. ఆగస్టు 20న టీజర్​ను విడుదల చేయనున్నారు.

కొణిదెల ప్రొడక్షన్స్​ పతాకంపై రామ్​చరణ్​ నిర్మిస్తున్న ఈ సినిమా హిందీ హక్కులను ఇప్పటికే ఫర్హాన్ అక్తర్ సొంతం చేసుకున్నాడు. సురేందర్ రెడ్డి దర్శకత్వం వహించిన ఈ చిత్రంలో నయనతార కథానాయిక. అమితాబ్ బచ్చన్ కీలక పాత్రలో కనిపించనున్నాడు.

వీరే కాకుండా కన్నడ స్టార్ సుదీప్, తమిళ హీరో విజయ్ సేతుపతి, జగపతిబాబు, తమన్నా లాంటి భారీ తారాగణం ఇందులో నటిస్తోంది. అక్టోబరులో సినిమాను ప్రేక్షకుల ముందుకు తీసుకొచ్చేందుకు చిత్రబృందం సన్నాహాలు చేస్తోంది.

ఇది చదవండి: వైరల్ వీడియో: శ్రీదేవి సెల్ఫీ కష్టాలు..!