అభినయంతో కోలీవుడ్, టాలీవుడ్తో పాటు బాలీవుడ్లోనూ పేరు తెచ్చుకున్న నటి శ్రుతి హాసన్. ఈ ముద్దుగుమ్మ లండన్‌కు చెందిన థియేటర్‌ ఆర్టిస్ట్‌ మైఖెల్ కోర్సేల్‌తో ప్రేమలో ఉన్న విషయం తెలిసిందే. తాజాగా వీరిద్దరూ బ్రేకప్ చెప్పేసుకున్నారు. ఈ విషయాన్ని మైఖెల్ ఇన్స్టాగ్రామ్ ద్వారా వెల్లడించాడు.
శ్రుతి హాసన్ బ్రేకప్ చెప్పేసింది...!
నటి శ్రుతి హాసన్ తన బాయ్ ఫ్రెండ్తో బ్రేకప్ చెప్పేసింది. ఈ విషయాన్ని అతడు ఇన్స్టాగ్రామ్ ద్వారా తెలియజేశాడు.
శ్రుతిహాసన్
"జీవితం మమ్మల్నిద్దరినీ వ్యతిరేక మార్గాల్లో ఉంచింది. దురదృష్టవశాత్తు మేమిద్దరం ఒంటరి మార్గాల్లో నడవాల్సి వస్తోంది. కానీ ఈ యంగ్‌ లేడీ ఎప్పటికీ నా బెస్ట్‌ ఫ్రెండ్‌గానే మిగిలిపోతుంది. ఆమెకు జీవితాంతం ఓ స్నేహితుడిగా ఉండిపోతున్నందుకు చాలా గొప్పగా ఫీలవుతున్నాను" అంటూ శ్రుతితో ఉన్న ఫొటోను అభిమానులతో పంచుకున్నాడు మైఖెల్.
2016లో శ్రుతి ఓ కాన్సర్ట్‌ నిమిత్తం లండన్‌ వెళ్లినప్పుడు అక్కడ ఓ కామన్‌ ఫ్రెండ్ ద్వారా మైఖెల్‌ను కలిసింది. ఆ తర్వాత ఇద్దరి మధ్య మొదలైన స్నేహం ప్రేమగా మారింది. శ్రుతి నెలకోసారైనా మైఖెల్ కోసం లండన్‌ వెళ్లి వస్తుండేదట. శ్రుతి ఇంట్లో జరిగే శుభకార్యాలకు మైఖెల్ హాజరవుతుండేవాడు. కమల్‌ హాసన్ నటించిన ‘'విశ్వరూపం 2’' చిత్రంలో మైఖెల్ రష్యన్‌ సోల్జర్‌ పాత్రలో నటించాడు.