స్టార్ హీరోస్... ఎవరైనా ఓ సినిమా చేశారంటే వాళ్ల రెమ్యునరేషన్ కోట్లలో ఉంటుంది. ఇది మనకు తెలిసిన విషయమే. కానీ వారు సినీ కెరీర్ ప్రారంభించకముందుకు.. వాళ్ల జీవనోపాధి కోసం తొలిసారిగా ఎంచుకున్న కెరీర్ ఏంటి? తొలి జీతం ఎంత తీసుకున్నారు? ఎవరికైనా తెలుసా? బహుశ ఎవరికీ తెలిసి ఉండకపోవచ్చు. వాటి గురించి విశేషాలు మీకోసం.
అమితాబ్ బచ్చన్
కోల్కతాలోని ఓ కంపెనీలో మేనేజింగ్ ఎగ్జిక్యూటివ్గా పనిచేశారు. అప్పుడు ఆయన అందుకున్న తొలి జీతం రూ.500. ప్రస్తుతం 'బటర్ఫ్లై', 'గులాబో సితాబో', 'ఝండ్', 'చెహ్రే', 'బ్రహ్మస్త్ర' అనే చిత్రాల్లో నటిస్తున్నారు.
షారుఖ్ ఖాన్
బాలీవుడ్ బాద్షా షారుఖ్ ఖాన్... సినీమాల్లోకి రాకముందు ఓ గైడ్గా పనిచేశాడు. అతడు అందుకున్న తొలి జీతం రూ.50. ఈ జీతంతో షారుఖ్ తన కుటుబంతో ఆగ్రా తాజ్మహాల్ చూశాడు. చివరిసారిగా 'జీరో' సినిమాతో ప్రేక్షకుల ముందుకు వచ్చాడు.
హృతిక్రోషన్
బాలీవుడ్లో 'కహోనా ప్యార్ హే' సినిమాతో హీరో ఎంట్రీ ఇచ్చిన హృతిక్రోషన్... బాలనటుడిగా పలు సినిమాల్లో నటించి మెప్పించాడు. అందులో భాగంగా 1980లో వచ్చిన 'ఆషా' సినిమాలో నటించినందుకు రూ.100 తీసుకున్నాడు. చివరిసారిగా 'వార్' సినిమాలో నటించాడు. ప్రస్తుతం కొత్త కథలను వింటున్నాడు.
ప్రియాంక చోప్రా
2000 సంవత్సరం తన 17ఏళ్ల వయసులో 'మిస్ వరల్డ్' టైటిల్ను గెలుచుకుంది. అప్పుడు తాను చెక్ రూపాన రూ.5వేల నగదు బహుమతి గెలుచుకుంది. అదే తను తొలి సారిగా అందుకున్న జీతం. ప్రస్తుతం 'వి కెన్ బి హీరోస్', 'ది మ్యాట్రిక్స్ 4', 'ది వైట్ టైగర్' సినిమాల్లో నటిస్తుంది.
అమీర్ఖాన్
బాలీవుడ్ మిస్టర్ పర్ఫెక్ట్ 'అమీర్ఖాన్' తన తొలి సినిమా 'క్యామత్ సే క్యామత్ తక్'. ఈ సినిమా షూటింగ్ 11నెలల పాటు జరిగింది. ఈ సినిమాలో నటించినందుకు ప్రతి నెల వెయ్యి రూపాయలు చొప్పున జీతం తీసుకున్నాడు. ప్రస్తుతం 'లాల్ సింగ్ చద్ధా' సినిమాలో నటిస్తున్నాడు.
సోనమ్ కపూర్
బాలీవుడ్ హీరోయిన్ సోనమ్కపూర్ తన 15వ ఏటా చదువుకుంటూనే వెయిటర్గా పనిచేసింది. ఆ తర్వాత ఓ బాలీవుడ్ దర్శకుడు వద్ద అసిస్టెంట్గా పనిచేస్తూ నెలకు రూ. 3వేల జీతం అందుకుంది. చివరిసారిగా 'ది జోయా ఫ్యాక్టర్' సినిమాతో అలరించింది. ప్రస్తుతం కొత్త చిత్రాల కథలు వింటుంది.
కార్తీక్ ఆర్యన్
బాలీవుడ్ హీరో కార్తీక్ ఆర్యన్.. తాను కాలేజ్ చదువుతున్నప్పుడే 'ప్యార్ కా పంచ్నామా'(2011)సినిమాలో నటించాడు. ఇందుకుగానూ తొలిసారిగా రూ.13వేల రూపాయల చెక్ అందుకున్నాడు. ప్రస్తుతం 'భూల్ భూలయ్యా 2', 'దోస్తానా 2' సినిమాల్లో నటిస్తున్నాడు.
