రజనీ కొత్త సినిమా టైటిల్ ఖరారు

సూపర్​స్టార్ రజనీకాంత్ కొత్త సినిమాకు టైటిల్ ఖరారు చేసింది చిత్రబృందం. తాజాగా టైటిల్​తో కూడిన మోషన్​ పోస్టర్​ను అభిమానులతో పంచుకుంది.

సూప‌ర్‌స్టార్ ర‌జనీకాంత్.. ప్రస్తుతం తన 168వ సినిమాలో నటిస్తున్నాడు. శివ ద‌ర్శ‌క‌త్వం వహిస్తున్నాడు. ఖుష్బూ, మీనా హీరోయిన్లు. కీర్తి సురేశ్ రజనీ కూతురిగా కనిపించనుంది. స‌న్‌పిక్చ‌ర్స్ సంస్థ నిర్మిస్తున్న ఈ సినిమా టైటిల్​ను తాజాగా ప్రకటించింది చిత్రబృందం​.

రజనీ కొత్త సినిమాకు 'అన్నాత్త‌ె' అనే పేరును ఖ‌రారు చేశారు. ఈ టైటిల్​ మోషన్ పోస్టర్​ను విడుదల చేసింది చిత్రబృందం. 'అన్నాత్తె' అంటే సోదరుడు అని అర్థం. దీపావ‌ళికి ఈ చిత్రాన్ని ప్రేక్షకుల ముందుకు తీసుకొచ్చేందుకు చిత్రబృందం స‌న్నాహాలు చేస్తోంది.