మతపరమైన మనోభావాలను దెబ్బతీసిన కేసులో ఈ ఏడాది జనవరి 1న అరెస్టైన స్టాండప్ కమెడియన్ మునావర్ ఫరూకీ.. జైలు నుంచి విడుదలయ్యారు. మధ్యప్రదేశ్‌లోని ఇందోర్ జైలులో ఉన్న మునావర్‌కు ఈ నెల 5న సుప్రీంకోర్టు బెయిల్ మంజూరు చేసింది. దీంతో శనివారం అర్ధరాత్రి తర్వాత జైలు నుంచి ఆయన రిలీజ్ అయ్యారు. భద్రతా కారణాల దృష్ట్యా మునావర్ను జైలు వెనుక నుంచి పంపినట్లు తెలుస్తోంది.
జైలు నుంచి విడుదలైన మునావర్ ఫరూకీ
మతపరమైన మనోభావాలను దెబ్బతీశారన్న ఆరోపణలతో.. జైలుకు వెళ్లిన స్టాండప్ కమెడియన్ మునావర్ ఫరూకీ శనివారం రాత్రి విడుదలయ్యారు. ఈ నెల 5న ఆయనకు సుప్రీంకోర్టు బెయిల్ మంజూరు చేసిన నేపథ్యంలో మునావర్ను రిలీజ్ చేసినట్లు జైలు అధికారులు వెల్లడించారు.
జైలు నుంచి విడుదలైన స్టాండప్ కమెడియన్
మునావర్ విడుదల సందర్భంగా ఎలాంటి అవాంఛనీయ ఘటనలు జరగకుండా ఇందోర్ జైలు వద్ద గట్టి భద్రతను ఏర్పాటు చేశారు. ఇదే కేసులో మునావర్ ఫిబ్రవరి 18న ఉత్తరప్రదేశ్‌లోని ప్రయాగ్‌రాజ్‌ కోర్టులో హాజరుకానున్నారు.
ఇదీ చూడండి:ఇన్స్టాగ్రామ్లో సమంత సరికొత్త రికార్డు