నాని 'వి' సినిమాపై పరువు నష్టం కేసు

తన ఫొటోను అనుమతి లేకుండా ఉపయోగించడంపై సాక్షి మాలిక్, 'వి' సినిమాపై కేసు పెట్టింది. తక్షణమే ఆమె ఫొటోలు ఉన్న సీన్లను తొలగించాలని కోర్టు ఆదేశించింది.

నాని 'వి' సినిమా విషయమై మోడల్​ సాక్షి మాలిక్ న్యాయస్థానాన్ని ఆశ్రయించింది. అనుమతి లేకుండా తన ఫొటోను ఉపయోగించారని ఆమె తన ఫిర్యాదులో పేర్కొంది. ఈ చిత్రం గతేడాది సెప్టెంబరులో అమెజాన్​ ప్రైమ్​లో నేరుగా విడుదలైంది.

అసలేం జరిగింది?

ఈ సినిమాలో మొబైల్ ఫోన్​లో సెక్స్​ వర్కర్​ ఫొటోను వేరే వ్యక్తికి చూపించే సన్నివేశం ఒకటి ఉంది. అందులో తన​ ఫొటోను ఉపయోగించారని చెప్పిన సాక్షి మాలిక్, 'వి' చిత్రంపై పరువు నష్టం దావా వేసింది. స్పందించిన న్యాయస్థానం, సదరు సీన్ తొలగించాలని ఓటీటీ ఫ్లాట్​ఫామ్​ను ఆదేశించింది.

వ్యక్తుల అనుమతి లేకుండా వారి ఫొటోలను వినియోగించడం చట్ట విరుద్ధమని, అలా చేస్తే పరువు నష్టం కిందకే వస్తుందని అభిప్రాయం వ్యక్తం చేసింది. తక్షణమే ఆమె ఉన్న సన్నివేశాలు తొలగించాలని స్పష్టం చేసింది. దానిని డిలీట్​ చేసిన తర్వాత సాక్షికి చూపించి, సినిమాను ఓటీటీలో అప్​లోడ్​ చేయాలని చెప్పింది.

ఇవీ చదవండి: