నటుడిగా 'బండ్ల గణేశ్' రెండో ఇన్నింగ్స్

చాలా కాలం తర్వాత మళ్లీ ముఖానికి రంగేసుకున్నాడు బండ్ల గణేశ్. మహేశ్​బాబు 'సరిలేరు నీకెవ్వరు'లో ఓ డిఫరెంట్​ పాత్రలో అలరించనున్నాడు.

తొలుత సహాయ పాత్రల్లో మెరిసి, అనంతరం నిర్మాతగా మారిన బండ్ల గణేశ్​.. చాలా కాలం తర్వాత మళ్లీ నటుడిగా అలరించేందుకు సిద్ధమవుతున్నాడు. మహేశ్​బాబు హీరోగా నటిస్తున్న 'సరిలేరు నీకెవ్వరు'లో ఓ కోటీశ్వరుడైన అమాయకుడి పాత్రలో సందడి చేయనున్నాడని సమాచారం.

ఇటీవలే కశ్మీర్​లో షూటింగ్ పూర్తి చేసుకున్న ఈ చిత్రం.. హైదరాబాద్​ అన్నపూర్ణ స్టూడియోస్​లో వేసిన ట్రైన్​ సెట్​లో షెడ్యూల్ జరుపుకుంటోంది. ఆ ఫొటోల్ని అభిమానులతో పంచుకుంది చిత్రబృందం.

రష్మిక హీరోయిన్​గా నటిస్తోంది. విజయశాంతి కీలక పాత్రలో కనిపించనుంది. రాజేంద్ర ప్రసాద్, మురళీ శర్మ, ప్రకాశ్ రాజ్​ తదితరులు ఇందులో నటిస్తున్నారు. దేవీ శ్రీ ప్రసాద్ సంగీత దర్శకుడు. అనిల్ రావిపూడి దర్శకత్వం వహిస్తున్నాడు. వచ్చే ఏడాది సంక్రాంతికి ప్రేక్షకుల ముందుకు రానుంది.

ఇది సంగతి: 'సాహో' నుంచి మరో పోస్టర్​.. స్టైలిష్​ లుక్​లో​ నీల్​