కష్టాల్లో ఒలింపిక్ విజేత బింద్రా బయోపిక్​!

ఇంకా సెట్స్​పైకి వెళ్లని ఒలింపిక్ విజేత అభినవ్ బింద్రా బయోపిక్ పూర్తిగా ఆగిపోయినట్లు తెలుస్తోంది. ఇంతకీ ఏం జరిగింది?

ఒలింపిక్ స్వర్ణపతక విజేత అభినవ్ బింద్రా బయోపిక్​పై సందిగ్ధత నెలకొంది. ప్రస్తుతానికి ఈ సినిమాను పక్కన పెట్టినట్లు దర్శకుడు హీరజ్ మర్తాఫియా చెప్పారు. అయితే నిర్మాతలు మాత్రం దీనిని తిరిగి మొదలపెట్టాలనుకోవట్లేదని సమాచారం.

మూడేళ్ల క్రితం ఈ సినిమాను అధికారికంగా ప్రకటించారు. అయితే నటీనటులను ఎంపిక చేయడంలో ఆలస్యమైంది. రిషి కపూర్​ను అభినవ్ బింద్రా తండ్రి పాత్రకు ఎంచుకున్నారు. వరుణ్ ధావన్​ను టైటిల్​ రోల్​ కోసం తీసుకున్నారు.

అయితే అనిల్ కపూర్, హర్షవర్ధన్ కపూర్​ సీన్​లోకి వచ్చారు. గతేడాది ఎట్టకేలకు షూటింగ్​ మొదలుపెట్టాలనుకున్నారు. కానీ కరోనా లాక్​డౌన్​ దానిని అడ్డుకుంది. దీంతో సినిమాను కొన్నాళ్ల తర్వాత తిరిగి ప్రారంభించాలని దర్శకుడు భావిస్తున్నట్లు తెలుస్తోంది.