ఆరుగురి మృతికి కారణమైన డ్రైవర్​ అరెస్ట్​

గత నెల 29న మహబూబాబాద్ జిల్లా గూడూరు మండలం మర్రిమిట్ట శివారులో జరిగిన రోడ్డు ప్రమాదానికి కారణమైన లారీ డ్రైవర్​ను పోలీసులు అరెస్ట్​ చేశారు. నిందితుడిపై ఐపీసీ సెక్షన్ 304 ​ కింద కేసు నమోదు చేశారు.

మహబూబాబాద్ జిల్లా గూడూరు మండలం మర్రిమిట్ట గ్రామశివారులోని 365 జాతీయ రహదారిపై గత నెల 29న ఆటోను లారీ కొన్న ప్రమాదంలో ఆరుగురు మృతి చెందారు. ఈ ప్రమాదానికి కారణమైన లారీ డ్రైవర్ దరావత్ కిషన్(46)ను గూడూరు పోలీసులు అరెస్ట్ చేసి రిమాండ్​కు తరలించారు.

మద్యం మత్తులో వాహనం నడుపుతూ ఆరుగురు మృతికి కారణమైనందున నిందితునిపై ఐపీసీ సెక్షన్ 304 ​ కింద కేసు నమోదు చేసినట్లు ఇన్​ఛార్జ్ డీఎస్పీ వెంకట రమణ తెలిపారు.

• ఇదీ చూడండి :రైతుల కట్టడికి మేకులు, కంచెలు, గోడలు!