తప్పుడు కేసులకు బయపడే ప్రసక్తే లేదు: రాములు నాయక్

ప్రభుత్వం ఎన్ని తప్పులు కేసులు బనాయించినా... బయపడేది లేదని మాజీ ఎమ్మెల్సీ రాములు నాయక్​ అన్నారు. ఎస్సాఆర్​ నగర్​ స్టేషన్​లో కేసు నమోదైనట్టు తెలుసుకున్న ఆయన... అనుచరులతో కలిసి స్టేషన్​కు వచ్చారు.

తెలంగాణ ప్రభుత్వం కక్ష సాధింపు చర్యలతో తనపై తప్పుడు కేసులు బనాయిస్తూ ఇబ్బందులకు గురిచేస్తోందని మాజీ ఎమ్మెల్సీ రాములు నాయక్ ఆరోపించారు. ఇలాంటి బెదిరింపులకు భయపడేది లేదని, ఎన్ని కేసులు వేసినా ఎదుర్కొనే శక్తి ఉందన్నారు. ఎస్సాఆర్​ నగర్​ పోలీసు స్టేషన్​లో కేసు నమోదైనట్టు తెలుసుకున్న రాములు నాయక్​... అనుచరులతో కలిసి స్టేషన్​కు వచ్చారు. తాను ఎమ్మెల్సీగా ఉన్నప్పుడు లేని కేసులు ఇప్పుడెలా వస్తున్నాయని ప్రశ్నించారు.

ప్రభుత్వానికి పోలీసులు తొత్తులుగా వ్యవహరిస్తూ ప్రతిపక్ష పార్టీలపై లేనిపోని కేసులు బనాయించడం సబబు కాదని రాములు నాయక్​ హితవు పలికారు. ఎన్ని తప్పుడు కేసులు పెట్టినా ఎదుర్కోవడానికి సిద్ధంగా ఉంటానన్నారు. ఇప్పటికైనా పోలీసులు తమ వృత్తిని నిజాయితీగా చేయాలని విజ్ఞప్తి చేశారు.