మానవాళిపై కరోనా వైరస్ ప్రభావం రోజురోజుకూ మరింత తీవ్రమవుతోంది. ప్రపంచవ్యాప్తంగా కరోనా బాధితుల సంఖ్య 64 లక్షల 97 వేలు దాటింది. ఒక్కరోజులో 1,900 మందికి పైగా ప్రాణాలు కోల్పోయారు. 30 లక్షల 92 వేలమంది ఇప్పటివరకు మహమ్మారి నుంచి బయటపడ్డారు.
ప్రపంచవ్యాప్తంగా 65లక్షలకు చేరువలో కరోనా కేసులు
ప్రపంచవ్యాప్తంగా కరోనా ఉద్ధృతి రోజురోజుకూ పెరుగుతోంది. ఒక్కరోజులో 51,727 మందికి వైరస్ సోకింది. 1786 మంది ప్రాణాలు కోల్పోయారు. ప్రస్తుతం ప్రపంచవ్యాప్తంగా మొత్తం కేసుల సంఖ్య 64లక్షల 97 వేలు దాటింది.
ఆగని కరోనా ఉద్ధృతి.. 65లక్షలకు చేరువలో కేసులు
అమెరికా, బ్రెజిల్, రష్యా, స్పెయిన్లో వైరస్ ఉద్ధృతి ఆందోళనకరంగా ఉంది. బ్రెజిల్లో 1,569 కొత్త కేసులు నమోదయ్యాయి. ప్రస్తుతం బ్రెజిల్లో కరోనా బాధితుల సంఖ్య 5 లక్షల 58 వేలకు పెరిగింది. అమెరికాలోనూ కరోనా విజృంభణ కొనసాగుతోంది. అగ్రరాజ్యంలో కొత్తగా 3,600 మందికిపైగా కరోనా నిర్ధరణ అయ్యింది. అక్కడ మొత్తం కేసుల సంఖ్య 18 లక్షల 84 వేలు దాటింది.