MR.Pregnant Collections : బిగ్‌బాస్ తెలుగు ఫేమ్ యంగ్ హీరో సోహైల్ నటించిన కొత్త ప్రయోగాత్మక చిత్రం మిస్టర్ ప్రెగ్నెంట్. రీసెంట్గా ఈ చిత్రం ఆగస్టు 18వ తేదీన విడుదలై పర్వాలేదనిపించే టాక్ను తెచ్చుకుంది. అయితే ఇప్పుడీ చిత్రానికి రెస్పాన్స్ పెరుగుతున్నట్లు తెలుస్తోంది. సినిమా రిలీజ్ ఆరంభంలో స్క్రీన్స్ తక్కువే దొరికినప్పటికీ.. మంచి రెస్సాన్స్ రావడంతో స్క్రీన్ కౌంట్ పెంచుతున్నారని సమాచారం అందింది.
గత మూడు రోజుల్లో బాక్సాఫీస్ వద్ద మంచి టాక్ వినపడుతోంది. మొదటి మూడు రోజుల్లో యావరేజ్గా మార్నింగ్ షోకు 25 శాతం, మ్యాట్నీకి 35 శాతం, ఫస్ట్ షోకు 40 శాతం, సెకండ్ షోకు 35 శాతం ఆక్యుపెన్సీ నమోదైందని తెలిసింది. సోమవారం కూడా మంచి ఆక్యుపెన్సీ నమోదైందని ట్రేడ్ వర్గాలు అంటున్నాయి.
Mr Pregnant Collection Till Now : కలెక్షన్ల వివరాల్లోకి వెళ్తే.. మొదటి రోజు రూ.35 లక్షలు నమోదు చేసిందని తెలిసింది. రెండో రోజు రూ. 40 లక్షలు కలెక్ట్ చేయగా.. మూడో రోజు రూ.45 లక్షల రూపాయలను అందుకుందని సమాచారం అందింది. అంటే తొలి రోజుతో పోలిస్తే.. రెండో, మూడో రోజు ఎక్కువ వసూళ్లను సాధించడం విశేషం. ఇక నాలుగో రోజు సోమవారం నాన్ వీకెండ్లో రూ. 20 లక్షల రూపాయలతో సరిపెట్టుకుంది. దీంతో ఇప్పటివరకు ఈ చిత్రం రూ.1.4 కోట్లను వసూలు చేసింది.