Mahesh Babu Rajamouli Movie:సూపర్స్టార్ మహేశ్బాబు రీసెంట్గా 'గుంటూరు కారం' సినిమాతో ఆడియెన్స్ను అలరించారు. జనవరి 12న రిలీజైన ఈ సినిమా డీసెంట్ టాక్తో బాక్సాఫీస్ వద్ద భారీ వసూళ్లు సాధిస్తోంది. అయితే ఈ సినిమా తర్వాత మహేశ్, దర్శకధీరుడు రాజమౌళితో భారీ ప్రాజెక్ట్ చేయనున్నారు. ప్రస్తుతం ప్రిన్స్ ఫ్యాన్స్తో సహా, టాలీవుడ్లో అందరి చూపు ఈ ప్రాజెక్ట్పైనే ఉంది. ఈ నేపథ్యంలో మహేశ్ తాజాగా హైదరాబాద్ ఎయిర్పోర్టులో కనిపించారు. ఆయన ఒంటరిగా జర్మనీ వెళ్లినట్లు తెలుస్తోంది.
అయితే మహేశ్బాబు సడెన్గా జర్మనీ వెళ్లడంపై ఆయన ఫ్యాన్స్ ఆరా తీస్తున్నారు. అయితే రాజమౌళి సినిమా కోసమే మహేశ్ జర్మనీ వెళ్లారట. టెక్నికల్ వర్క్స్ (Technical Work) కోసం ప్రిన్స్ అక్కడికి వెళ్లినట్లు ఇన్సైట్ టాక్ వినిపిస్తోంది. దీంతో మహేశ్- రాజమౌళి సినిమా పనులు ప్రారంభమైనట్లేనని సూపర్స్టార్ ఫ్యాన్స్ ఫుల్ ఖుషీగా ఉన్నారు. రాజమాళి ఈ సినిమాను దాదాపు రూ.1000 కోట్ల బడ్జెట్తో, రెండు భాగాలుగా తెరకెక్కించనున్నారని జోరుగా ప్రచారం సాగుతోంది. అయితే ఈ విషయంపై ఇంకా అఫీషియల్ అనౌన్స్మెంట్ రావాల్సి ఉంది. ఇక మూడు రోజుల్లో జర్మనీ నుంచి మహేశ్ రిటర్న్ అవ్వనున్నారు. ఆయన భారత్కు వచ్చాక గుంటూరు కారం సినిమా సక్సెస్ మీట్ ఉంటుందని సమాచారం.
గుంటూరు కారం విషయానికొస్తే: మహేశ్బాబు- శ్రీలీల లీడ్ రోల్స్లో తెరకెక్కిన ఈ సినిమా ఇప్పటికే వరల్డ్వైడ్గా రూ.160+ కోట్ల గ్రాస్ వసూళ్లు సాధించింది. ఈ నేపథ్యంలో మహేశ్ కెరీర్లో వరుసగా ఐదోసారి రూ.100 కోట్ల షేర్ అందుకున్నారు. ఇదివరకు 'భరత్‌ అనే నేను', 'మహర్షి', 'సరిలేరు నీకెవ్వరు', 'సర్కారు వారి పాట' సినిమాలతో ఆయన ఈ ఫీట్ సాధించారు. ఇక ఈ సినిమా ఓటీటీ హక్కులను నెట్ఫ్లిక్స్ భారీ ధరకు దక్కించుకుందట. మార్చి ఆఖరి వారం ఈ సినిమా ఓటీటీలోకి వచ్చే ఛాన్స్ ఉంది.