పుట్టినరోజు ఆ ముగ్గురు అమ్మాయిలతో..!

ఆ ముగ్గురూ స్నేహితులు.. వారిలో ఒకరి పుట్టిన రోజు వచ్చింది. బాగా ఎంజాయ్ చేయాలనుకున్నారు. ఓ హోటల్లో గదులు బుక్ చేసుకున్నారు. అంతటితో ఆగకుండా ముగ్గురు కాల్ గర్ల్స్​ను బెంగళూరు నుంచి పిలిపించుకున్నారు. పోలీసులకు సమాచారం రావడంతో హోటల్​పై దాడి చేసి.. వారిని అదుపులోకి తీసుకున్నారు. ఈ ఘటన ఏపీలోని గుంటూరులో చోటు చేసుకుంది.

ఆంధ్రప్రదేశ్​లోని గుంటూరు అరండల్‌ పేటలోని ఓ హోటల్‌లో నిర్వహించిన పుట్టినరోజు వేడుకల్లో కాల్‌గర్ల్స్‌ను తీసుకొచ్చిన కేసులో.. ముగ్గురు అమ్మాయిలు, ఐదుగురు వ్యక్తులను పోలీసులు అదుపులోకి తీసుకున్నారు. స్నేహితుని పుట్టినరోజు వేడుకలు నిర్వహించిన ముగ్గురు వ్యక్తులు.. బెంగళూరు నుంచి అమ్మాయిలను తీసుకొచ్చారు.

ఈ విషయంపై సమాచారం అందుకున్న పోలీసులు.. హోటల్‌పై దాడులు చేశారు. ఐదుగురు వ్యక్తుల్ని అరెస్టు చేశారు. ముగ్గురు మహిళలను అదుపులోకి తీసుకున్నారు. వారిని పునరావాస కేంద్రానికి తరలించారు. రేవ్‌పార్టీ ఏమైనా నిర్వహించారా అనే కోణంలో పోలీసులు దర్యాప్తు చేస్తున్నారు. హోటల్‌ నిర్వాహకులనూ ప్రశ్నిస్తున్నారు.

ఇదీ చదవండి:నాకే పునుగులిస్తావా.. నీ అంతుచూస్తా..