చెరువులో మృతదేహం.. ప్రమాదమా.. హత్యా?

చెరువులో ఓ వ్యక్తి మృతదేహం లభించటం కలకలంరేపింది. ఈ ఘటన హైదరాబాద్ పాతబస్తీ చాంద్రాయణగుట్ట పోలీస్ స్టేషన్ పరిధిలో చోటు చేసుకుంది. కేసు నమోదు చేసి దర్యాప్తు చేస్తున్నారు.

చెరువులో ఓ వ్యక్తి మృతదేహం లభించిన ఘటన హైదరాబాద్ పాతబస్తీ చాంద్రాయణగుట్ట పోలీస్ స్టేషన్ పరిధిలో చోటు చేసుకుంది. సమాచారం అందుకున్న పోలీసులు ఘటనా స్థలికి చేరుకొని మృతదేహాన్ని బయటకు తీశారు. జేబుల్లో వెతకగా ఒక కార్డు దొరకడంతో దానిపై ఉన్న నంబర్​కి ఫోన్ చేయగా అతని పేరు హాజీగా తెలిసింది.

పోస్టుమార్టం కోసం ఉస్మానియా ఆస్పత్రికి తరలించారు. అతడి పూర్తి వివరాలు తెలియాల్సి ఉంది. ప్రమాదవశాత్తు పడిపోయాడా లేదా వేరే కారణం ఏమైన ఉందా అనే కోణంలో దర్యాప్తు చేస్తున్నారు.

ఇదీ చూడండి:సింగరేణి కార్మికులకు ఉచితంగా కరోనా టీకా