టాప్‌ టెన్ న్యూస్ @ 9PM

ఇప్పటివరకు ఉన్న ప్రధాన వార్తలు

మరో 2,242 కరోనా కేసులు

రాష్ట్రంలో మరో 2,242 కరోనా కేసులు నమోదయ్యాయి. మహమ్మారితో మరో 19 మంది మృతి చెందారు. కరోనా నుంచి మరో 4,693 మంది బాధితులు కోలుకున్నారు. ప్రస్తుతం 40,489 యాక్టివ్‌ కేసులు ఉన్నాయి. పూర్తి వివరాల కోసం క్లిక్ చేయండి.

మిత్రుని ప్రాణాలు తీసిన బైకర్​

భయమో, అతి నమ్మకమో... ఓ వాహనదారుడు దుస్సాహసానికి ఒడిగట్టి ఒక ప్రాణం పోవటానికి కారణమయ్యాడు. పోలీసులు పెట్టిన గేటును ఆపకుండానే దాటుకుని పోవాలనే లక్ష్యంతో వెళ్లిన వాహనదారుడు... వెనకున్న మిత్రుని పరిస్థితి ఆలోచించలేకపోయాడు. ఈ అనాలోచిత, అవివేక చర్యతో విలువైన నిండు ప్రాణం క్షణంలో గాల్లో కలిసిపోయింది. పూర్తి వివరాల కోసం క్లిక్ చేయండి.

దుకాణాల వద్ద కిటకిట.. !

రాష్ట్రంలో లాక్‌డౌన్‌ను పన్నెండో రోజు కఠినంగా అమలు చేస్తున్నారు. మొదట్లో చూసీచూడనట్లు ఉండగా.. జనాలు ఎక్కువగా రోడ్లపైకి వచ్చారు. మళ్లీ లాక్‌డౌన్‌ను పొడిగించే అవకాశం రాకుండా ప్రస్తుత లాక్‌డౌన్‌ను కఠినంగా అమలు చేయాలన్న ముఖ్యమంత్రి కేసీఆర్ ఆదేశాల తర్వాత... పోలీసులు ఆంక్షలు పక్కాగా అమలయ్యేలా చూస్తున్నారు. పూర్తి వివరాల కోసం క్లిక్ చేయండి.

ఈటల కుమారుడుపై ఫిర్యాదు

మాజీ మంత్రి ఈటల రాజేందర్​ భూ కబ్జా వ్యవహారంలో ముఖ్యమంత్రి కేసీఆర్​కు మరో ఫిర్యాదు అందింది. ఈటల కుమారుడు నితిన్ రెడ్డి తన భూమి కబ్జా చేశారని మేడ్చల్ జిల్లా రావల్​కోల్ గ్రామానికి చెందిన పీట్ల మహేశ్​ ముదిరాజ్ అనే వ్యక్తి సీఎంకు ఫిర్యాదు చేశారు. న్యాయం చేయాలని కోరారు. పూర్తి వివరాల కోసం క్లిక్ చేయండి.

వధువులిద్దరు.. వరుడు మాత్రం ఒకడే..!

ఒకే పందిట్లో అక్కాచెల్లెల్లిద్దరి పెళ్లి జరిగింది. ఇలాంటివి చాలానే జరుగుతాయి, అందులో వింతేముంది అంటారా..! ఆ ఇద్దరు వధువులను మనువాడే వరుడు ఒకడే కావటం ఇందులో విశేషం. మొదట అక్కతో పెళ్లి నిశ్చయమైంది. కట్​ చేస్తే అందరి సమ్మతంతో ఇద్దరి మెడలో పెళ్లికొడుకు తాళి కట్టాడు. అలా ఎందుకు కట్టాడంటే...! పూర్తి వివరాల కోసం క్లిక్ చేయండి.

దేశంలో కొత్తగా 2.40 లక్షల కేసులు

దేశంలో కరోనా మరణాలు నాలుగు వేల లోపునకు పడిపోయాయి. శనివారం మరో 3,741 మంది మరణించారు. కొత్తగా 2.40 లక్షల కేసులు వెలుగులోకి వచ్చాయి. పూర్తి వివరాల కోసం క్లిక్ చేయండి.

పొంచి ఉన్న 'యాస్​' ముప్పు.!

యాస్​ తుపాను అతి తీవ్ర తుపానుగా మారి.. ఈ నెల 26న ఒడిశా- బంగాల్​ మధ్య తీరం దాటనుందని వాతావరణ శాఖ తెలిపింది. ఈ నేపథ్యంలో.. ప్రభావిత రాష్ట్రాలు అప్రమత్తమయ్యాయి. కేంద్ర ప్రభుత్వ హెచ్చరికలతో.. తూర్పు తీర రాష్ట్రాలు ముందస్తు జాగ్రత్త చర్యలను ముమ్మరం చేశాయి. ప్రభావిత ప్రాంతాల్లో ఇప్పటికే ఎన్​డీఆర్​ఎఫ్​ బృందాలను మోహరించారు. యాస్​ తుపాను సన్నద్ధతపై ప్రధాని నరేంద్ర మోదీ.. ఉన్నత స్థాయి సమీక్ష నిర్వహించారు. పూర్తి వివరాల కోసం క్లిక్ చేయండి.

కెయిర్న్​ తీర్పును సవాలు చేసిన భారత్

కెయిర్న్​తో పన్ను వివాదం విషయంలో ఇంటర్నేషనల్ ఆర్బిట్రేషన్ ట్రైబ్యునల్ ఆదేశాలను భారత్​ సవాలు చేసింది. ఈ విషయంలో మధ్యవర్తిత్వ తీర్పునకు భారత్ ఎప్పుడూ అంగీకారం తెలపలేదని స్పష్టం చేసింది ఆర్థిక మంత్రిత్వ శాఖ. పూర్తి వివరాల కోసం క్లిక్ చేయండి.

రెజ్లర్ సుశీల్ అరెస్టు

మల్లయోధుడు సాగర్ రానా హత్య కేసులో స్టార్ రెజ్లర్ సుశీల్ కుమార్ అరెస్టయ్యాడు. అయితే సాగర్​ మరణంలో సుశీల్ హస్తమేంటి? అసలు ఏం జరిగింది? ఈ వివాదానికి కారణమేంటి? తదితర విషయాలు సమాహారమే ఈ స్టోరీ. పూర్తి వివరాల కోసం క్లిక్ చేయండి.

అలీ దంపతుల సాయం

టాలీవుడ్​లో షూటింగ్​లు లేక ఆర్థిక ఇబ్బందులు పడుతోన్న ఉమెన్ ప్రొడక్షన్​ యూనియన్​కు అండగా నిలిచేందుకు ప్రముఖ నటుడు అలీ ముందుకొచ్చారు. ఆ యూనియన్​లో పనిచేస్తోన్న 130 మంది మహిళలకు తన భార్య జుబేదాతో కలిసి నిత్యావసర సరుకులు పంపిణీ చేశారు. పూర్తి వివరాల కోసం క్లిక్ చేయండి.