SBI DONATION: బసవతారకం క్యాన్సర్ ఆస్పత్రికి ఎస్​బీఐ భారీ విరాళం

హైదరాబాద్​లోని బసవతారకం ఇండో అమెరికన్​ క్యాన్సర్​ ఆస్పత్రి, పరిశోధన కేంద్రానికి ఎస్​బీఐ భారీ విరాళమిచ్చింది. భారతదేశంలో క్యాన్సర్ విపరీతంగా పెరుగుతోందని... జీడీపీలో వైద్యారోగ్యంపై ఖర్చు పెంచాల్సిన అవసరం ఉందని ఎస్​బీఐ ఛైర్మన్​ దినేష్​ కారా అభిప్రాయపడ్డారు.

మొబైల్ క్యాన్సర్ స్క్రీనింగ్ కేంద్రం ఏర్పాటు కోసం బసవతారకం ఇండో-అమెరికన్ క్యాన్సర్ ఆస్పత్రి, పరిశోధన కేంద్రానికి స్టేట్ బ్యాంక్ ఆఫ్ ఇండియా రూ.1.50 కోట్ల విరాళంగా అందించింది. ఈ మేరకు సంబంధిత చెక్కును ఎస్​బీఐ ఛైర్మన్​ దినేష్ కారా... ఆస్పత్రి యాజమాన్యానికి అందించారు. భారతదేశంలో క్యాన్సర్ విపరీతంగా పెరుగుతోందని... జీడీపీలో వైద్యారోగ్యంపై ఖర్చు పెంచాల్సిన అవసరం ఉందని దినేష్​ కారా అభిప్రాయపడ్డారు.

బసవతారకం క్యాన్సర్ ఆస్పత్రికి ఎస్​బీఐ భారీ విరాళం

సామాజికంగా, ఆర్థికంగా వెనుకబడినవారికి బ్యాంకు సీఎస్ఆర్ కార్యక్రమం కింద సహాయం చేస్తోందని తెలిపారు. కొవిడ్ వల్ల సమయానికి వైద్య సహాయం అందటం వల్ల జరిగే మేలును ప్రపంచం తెలుసుకుందన్నారు.

ఇదీచూడండి:'జీఎస్టీలోకి పెట్రో ధరలు తెచ్చేందుకు ఇది సమయం కాదు'