'మున్సిపల్ ఎన్నికల పిటిషన్లన్నీ ధర్మాసనం ముందుకు..'

11:42 October 31

మున్సిపల్ ఎన్నికలపై హైకోర్టులో విచారణ

 మున్సిపల్ ఎన్నికలపై హైకోర్టులో విచారణ జరుగుతోంది. పెండింగ్‌లోని 89 పిటిషన్లను అత్యవసరంగా కొట్టివేయాలని సింగిల్ జడ్జిని ప్రభుత్వం కోరింది. ప్రజాప్రయోజన వ్యాజ్యాలను సీజే ధర్మాసనం కొట్టివేసిందని ప్రభుత్వం తెలిపింది. ఈ అభ్యర్థనపై పిటిషనర్లు అభ్యంతరం వ్యక్తం చేశారు. ప్రభుత్వం ఇప్పటి వరకు కౌంటర్ దాఖలు చేయలేదని కోర్టు దృష్టికి తీసుకొచ్చారు. ప్రజాప్రయోజన వ్యాజ్యాలు, తమ రిట్ పిటిషన్లలో అంశాలు వేర్వేరుగా ఉన్నాయని పిటిషనర్లు తెలిపారు. మున్సిపల్​ ఎన్నికలకు సంబంధించిన పిటిషన్లన్నీ ధర్మాసనం ముందుంచుతామని సింగిల్ జడ్జి పేర్కొన్నారు.