' పాఠశాలల కొనసాగింపుపై సభలోనే ప్రకటిస్తా'

రాష్ట్రంలోని పాఠశాలల్లో నమోదవుతున్న కరోనా కేసులపై ముఖమమంత్రి కేసీఆర్​ ఆందోళన వ్యక్తం చేశారు. కేసులు పెచ్చరిల్లుతున్న వేళ... విద్యార్థులను కాపాడుకునేందుకు త్వరలోనే నిర్ణయం తీసుకుంటామని స్పష్టం చేశారు. ఆ నిర్ణయాన్ని కూడా సభలోనే ప్రకటిస్తామన్నారు.

రాష్ట్రంలో మళ్లీ పెరుగుతున్న కరోనా కేసుల విషయంలో ప్రభుత్వానికి ఆందోళన ఉందని సీఎం కేసీఆర్​ తెలిపారు. పాఠశాలల్లోనే ఎక్కువ కరోనా కేసులు రావటం పట్ల ముఖ్యమంత్రి ఆవేదన వ్యక్తం చేశారు.

విద్యార్థులపై మహమ్మారి ప్రతాపం చూపుతున్న నేపథ్యంలో... తరగతులు కొనసాగించాలో... సెలవులు ఇవ్వాలో ఓ నిర్ణయం తీసుకుంటామని స్పష్టం చేశారు. పాఠశాలల విషయంలో నిర్ణయాన్ని సభలోనే ప్రకటిస్తామని సీఎం తెలిపారు.

ఇదీ చూడండి: 'పెట్రోల్‌, డీజిల్‌ ధరల పాపం కేంద్ర ప్రభుత్వానిదే'