బయోలాజికల్‌-ఈ ఎండీ, సీఈఓ మహిమ దాట్లతో ముఖాముఖి
కొవిడ్‌ టీకా అభివృద్ధి ప్రయాణం అనేక సవాళ్లను విసిరిందని బయోలాజికల్‌-ఈ ఎండీ, సీఈఓ మహిమ దాట్ల తెలిపారు. ఈ సవాళ్లను అధిగమించి కార్బీ టీకాను అభివృద్ధి చేశామని చెప్పారు. కొవిడ్‌పై పోరులో భాగస్వామ్యులు కావడం సంతృప్తినిస్తోందని అన్నారు. తమ సంస్థ పిల్లల కోసమే అనేక వ్యాక్సిన్లు అభివృద్ధి చేసిందని... పిల్లలకు టీకాల అభివృద్ధిలో విజయవంతమైన చరిత్ర ఉందని వివరించారు. 12నుంచి 18ఏళ్ల పిల్లలకు క్లీనికల్‌ ట్రయల్స్ నిర్వహించామని పేర్కొన్నారు. 5 నుంచి 12ఏళ్ల చిన్నారుల్లోనూ క్లీనికల్‌ ట్రయల్స్ చేసినట్లు వెల్లడించారు. తల్లిదండ్రులు, నిపుణుల అంగీకారంతోనే ట్రయల్స్ నిర్వహించినట్లు స్పష్టం చేశారు.