17:09 February 24
15 వేలకు చేరువైన నిఫ్టీ..
స్టాక్ మార్కెట్లు భారీ లాభాలతో ముగిశాయి. సెషన్ పొడిగింపు సూచీల్లో కొత్త ఉత్సాహం నింపింది. సెన్సెక్స్ 1030 పాయింట్లు పెరిగి 50,782 వద్ద ముగిసింది. నిఫ్టీ 274 పాయింట్ల లాభంతో 14,982 వద్ద స్థిరపడింది.
బ్యాంకింగ్ షేర్ల దూకుడు లాభాలకు ప్రధాన కారణం.
16:20 February 24
సెషన్ పొడగింపు..
స్టాక్ మార్కెట్లు బుధవారం సాయంత్రం 5 గంటల వరకు పని చేయనున్నాయి. ఎన్ఎస్ఈలో సాంకేతిక సమస్య తర్వాత ట్రేడింగ్ను పునరుద్ధరించగా.. సెషన్ను దాదాపు రెండు గంటలు పొడగించింది. బీఎస్ఈ కూడా సెషన్ను పొడగిస్తున్నట్లు ప్రకటించింది.
సెన్సెక్స్ 840 పాయింట్ల లాభంతో 50,596 వద్ద ట్రేడవుతోంది. నిఫ్టీ 240 పాయింట్లకుపైగా పెరిగి 14,951 వద్ద కొనసాగుతోంది.
09:23 February 24
14,750 పైకి నిఫ్టీ
స్టాక్ మార్కెట్లు బుధవారం లాభాలతో ప్రారంభమయ్యాయి. బీఎస్ఈ-సెన్సెక్స్ 200 పాయింట్లకుపైగా బలపడి.. 49,954 వద్ద ట్రేడవుతోంది. ఎన్ఎస్ఈ-నిఫ్టీ 70 పాయింట్లకుపైగా లాభంతో 14,778 వద్ద కొనసాగుతోంది.
బ్యాంకింగ్, హెవీ వెయిట్ షేర్ల సానుకూలతలు లాభాలకు దన్నుగా నిలుస్తున్నాయి. ఐటీ షేర్లు ఒడుదొడుకులు ఎదుర్కొంటున్నాయి.
