Let terrorist Salim Parray killed: జమ్ముకశ్మీర్లో సోమవారం జరిగిన రెండు వేరువేరు ఎన్కౌంటర్లలో ఇద్దరు ఉగ్రవాదులను భద్రతాదళాలు మట్టుబెట్టాయి.
హర్వాన్లో జరిగిన ఎన్కౌంటర్లో.. లష్కరే తొయిబా(ఎల్ఈటీ) టాప్ కమాండర్ సలీమ్ పర్రేను హతమార్చినట్టు అధికారులు తెలిపారు.
ఈ ఎన్కౌంటర్కు సంబంధించిన మరిన్ని వివరాలను త్వరలో ప్రకటిస్తామని కశ్మీర్ ఐజీపీ విజయ్ కుమార్ వెల్లడించారు.
మరో ఎన్కౌంటర్..
Jammu Kashmir encounter news today: హర్వాన్కు సమీపంలోని గాసు గ్రామంలో మరో ఎన్కౌంటర్ జరిగింది. ఈ ఘటనలో ఓ గుర్తుతెలియని ఉగ్రవాది మరణించినట్టు అధికారులు వెల్లడించారు. మరణించిన ఉగ్రవాది ఎవరు? అతను ఏ ఉగ్రసంస్థకు చెందిన వ్యక్తి? అన్న అంశాలపై దర్యాప్తు చేపట్టినట్టు స్పష్టం చేశారు.
భారీగా ఆయుధాలు స్వాధీనం..
పాక్ నుంచి దేశంలోకి ఆయుధాలు, మత్తుపదార్థాల అక్రమ రవాణాను బీఎస్ఎఫ్ జవాన్లు అడ్డుకున్నారు.
ఆర్నియా సెక్టర్లో.. అంతర్జాతీయ సరిహద్దు వెంబడి అప్రమత్తంగా ఉన్న జవాన్లు.. సోమవారం ఉదయం వేళ అనుమానాస్పద రీతిలో ఉన్న బ్యాగును గుర్తించారు. వెంటనే దానిని స్వాధీనం చేసుకున్నారు. అందులో 3 ఏకే 47 తుపాకులు, 4 పిస్టళ్లు, వివిధ రకాల బులెట్లతో పాటు 5 ప్యాకెట్ల హెరాయిన్ ఉన్నాయి.
ఇదీ చూడండి:-జమ్ముకశ్మీర్లో పాక్ చొరబాటుదారుడు హతం