కుంభమేళా భక్తులకు సురక్షిత సేవలపై ప్రతిజ్ఞ

హరిద్వార్​లో వచ్చేనెల నుంచి ప్రారంభమయ్యే కుంభమేళాకు హాజరయ్యే భక్తులకు అసౌకర్యం కలగకుండా సేవలందిస్తామని ఉత్తరాఖండ్ పోలీసులు, ఇతర కేంద్ర బలగాలు ప్రతిజ్ఞ చేశాయి. భక్తులంతా సురక్షితంగా ఉండేలా పనిచేయనున్నట్లు ప్రకటించాయి.

ఉత్తరాఖండ్​లోని హరిద్వార్​లో ఏప్రిల్​ 1 నుంచి ప్రారంభంకానున్న కుంభమేళాను సురక్షితంగా నిర్వహిస్తామని ఐటీబీపీ, సీఏపీఎఫ్​, ఉత్తరాఖండ్​ పోలీసులు ప్రతిజ్ఞ చేశారు. ఈ మేరకు 'హర్​ కీ పౌడీ' ఘాట్​ వద్ద సమావేశమై ప్రత్యేక పూజలు నిర్వహించారు.

సాధారణంగా మూడు నెలలపాటు జరిగే కుంభమేళాను చరిత్రలో తొలిసారిగా నెలరోజులు మాత్రమే నిర్వహించనున్నారు. కరోనా నెగెటివ్ రిపోర్టు ఉన్న భక్తులను మాత్రమే అనుమతించనున్నారు.

ఇదీ చదవండి:శివరాత్రి వేళ హరిద్వార్​లో 'షాహి స్నాన్​'