త్రివిధ దళాల్లో సేవలందించిన ఏకైక వ్యక్తికి నూరేళ్లు

సైన్యంలో చేరి దేశసేవ చేస్తే చాలనుకుంటారు కొందరు. నౌకా విభాగంలో చేరితే గొప్పగా ఫీలవుతారు ఇంకొందరు. ఇక వైమానిక దళంలో సేవలందించడం అంటే ఆ అనుభూతే వేరు. అయితే.. ఈ మూడు భిన్న విభాగాల్లోనూ సేవలందించిన ఏకైక వ్యక్తిగా చరిత్రలో నిలిచిపోయారు ఓ భారతీయుడు. ఆయనే కల్నల్​ ప్రితిపాల్​ సింగ్ గిల్​​. నేడు ఆయన 100వ వసంతంలోకి అడుగుపెట్టారు.

భారత వైమానిక దళం, నౌకా దళం, సైన్యం(ఆర్టిలరీ).. ఇలా మూడు విభాగాల్లో దేశానికి సేవలందించిన ఏకైక వ్యక్తిగా గుర్తింపు పొందిన మాజీ కల్నల్​ ప్రితిపాల్​ సింగ్ గిల్..​. శుక్రవారం తన 100వ జన్మదిన వేడకులు జరుపుకున్నారు.

ప్రితిపాల్​ సింగ్​ గిల్​

తొలుత.. రాయల్​ ఇండియన్​ వైమానిక దళంలో పైలట్​గా సేవలందించారు ప్రితిపాల్​ సింగ్​. ఆ తర్వాత నావికా దళంలో చేరి.. భారీ స్థాయి సముద్ర ప్రయాణాలు చేశారు. అనంతరం.. 1965లో భారత్​-పాకిస్థాన్​ యుద్ధ సమయంలో సైన్యంలో అడుగుపెట్టారు. అక్కడ గన్నర్​ ఆఫీసర్​గా విధులు నిర్వర్తించారు. అసోం రైఫిల్స్​ విభాగాధిపతిగానూ మణిపుర్​లో పనిచేశారాయన.

ప్రితిపాల్​ సింగ్ ​(నాటి ఫొటో)

ఇలా సుదీర్ఘ కాలంలో మూడు ప్రత్యేక విభాగాల్లో పనిచేసి ప్రితిపాల్ చరిత్రలో నిలిచిపోయారు.

ఇదీ చదవండి:భారత ప్రతీకార దాడుల్లో ఐదుగురు పాక్​ జవాన్లు హతం