హోళీకి 51టన్నుల లడ్డూలు
శ్రీకృష్ణ భగవానుడి సతీమణి రాధకు దేశంలోనే ఏకైక దేవాలయం బర్సానాలో ఉంది. ఇక్కడ పురాతన కాలం నుంచి వస్తున్న ఆచారం ప్రకారం హోలీ వేడుకల్లో భాగంగా లడ్డూమార్ ఉత్సవాలు నిర్వహిస్తారు. ఇక్కడి గోస్వామి సమాజానికి చెందిన వారు వేడుకల కోసం ఈ ఏడాది 51 టన్నుల లడ్డూలను తయారు చేశారు.
" చాలా ఆనందంగా ఉంది. ప్రతి ఏటా ఇక్కడికి వస్తాను. హోలీకి తప్పకుండా హాజరువుతా. చాలా దూరం నుంచి ప్రజలు ఇక్కడికి వస్తారు. ఫిబ్రవరి 10న ఉత్సవాలు ప్రారంభమయ్యాయి. 40 రోజుల పాటు హోలీ వేడుకలు నిర్వహిస్తారు. ఈ రోజు లడ్డు మార్ హోళీ. నిన్న లట్మార్ హోళీ. నందగామ్ నుంచి గోపాలకులు ఇక్కడికి వచ్చి హోలీలో పాల్గొంటారు. "- భక్తురాలు
బర్సానాలోని రాధారాణి మందిరాన్ని సాయంత్రం నాలుగు గంటలకు తెరిచారు. ఆలయం తెరుచుకోగానే లడ్డూమార్ హోలీ ఆడారు. ఆ సమయంలో భజనలు, కీర్తనలు, కళాకారుల ఆటపాటలతో ఆలయ ప్రాంగణం మారుమోగింది. ఒకరిపై ఒకరుఉత్సాహంగా రంగులు చల్లుకున్నారు.
వేడుకల్లో ఎలాంటి అవాంఛనీయ ఘటనలు జరుగకుండా భారీ భద్రత ఏర్పాటు చేశారు. ఉత్సవాలకు దేశ నలుమూలల నుంచే కాకుండా విదేశాల నుంచి భక్తులు హాజరవుతున్నారు.