బంద్ హింసాత్మకం.. పలుచోట్ల ఘర్షణలు
బంగాల్లో రోడ్డు, రైలు రవాణా వ్యవస్థలకు భారతీయ జనతా పార్టీ కార్యకర్తలు అంతరాయం కలిగించారు. ఉత్తర 24 పరగణాల జిల్లాలో భాజపా నేతలపై ఆదివారం జరిగిన దాడులకు నిరసనగా 12 గంటల బంద్కు పిలుపునిచ్చింది కాషాయ పార్టీ. ఈ మేరకు జిల్లా వ్యాప్తంగా ఆందోళనలు చేపట్టారు భాజపా కార్యకర్తలు.
దుకాణాలు, వ్యాపార సముదాయాలు మూతపడటం వల్ల ప్రజలు ఇబ్బందులు ఎదుర్కొన్నారు. పలు చోట్ల పోలీసులతో ఘర్షణకు దిగారు భాజపా కార్యకర్తలు. లాకుర్తి, బారక్పుర్-బరాసట్ రహదారి, హావ్డాలో నిరసనకారులను పోలీసులు అడ్డుకోగా ఇరువర్గాల మధ్య వాగ్వివాదం జరిగింది. ఈ ఘటనల్లో పోలీసులతో పాటు కార్యకర్తలు గాయపడ్డారు.
ఆదివారం జరిగిన ఘటనలో గాయపడ్డ బారక్పుర్ ఎంపీ అర్జున్ సింగ్ను గవర్నర్ జగ్దీప్ ధన్కర్ కలిశారు. పరామర్శ అనంతరం రాష్ట్రంలో శాంతి భద్రతల స్థితిపై ఆందోళన వ్యక్తం చేశారు గవర్నర్.