5 నెలల్లో 101 మంది ముష్కరులు హతం

2019 జనవరి నుంచి మే 31 వరకు 100కు పైగా ఉగ్రవాదులను మట్టుబెట్టాయి భద్రతా దళాలు. ఇందులో 23 మంది విదేశీయులు, 78 మంది స్వదేశీయులు ఉన్నట్లు అధికారులు తెలిపారు. ముష్కరుల ఏరివేత కొనసాగుతున్నప్పటికీ.. తీవ్రవాద సంస్థల్లోకి భారీగా నియామకాలు జరగటం ఆందోళన కలిగించే విషయం.

ఈ ఏడాది గడిచిన 5 నెలల్లో 101 మంది తీవ్రవాదులు హతమయ్యారు. వీరిలో 2019 జనవరి నుంచి మే 31 వరకు 23 మంది విదేశీయులు, 78 మంది స్థానిక తీవ్రవాదులను మట్టుబెట్టినట్లు అధికారులు తెలిపారు. ఇందులో అన్సార్​ ఘాజ్వాత్​ ఉల్​ హింద్​ సంస్థ అధినేత జాకిర్​ మూసా లాంటి పెద్ద స్థాయి ఉగ్రవాదులూ ఉన్నారు.

పుల్వామాలో సీఆర్​పీఎఫ్​ బలగాల కాన్వాయ్​పై జరిగిన ఉగ్రదాడి అనంతరం జమ్ముకశ్మీర్​లో తీవ్రవాదంపై ఉక్కుపాదం మోపాయి భద్రత దళాలు. ముష్కరుల ఏరివేతే లక్ష్యంగా విరుచుకుపడుతున్నాయి.

భారీగా నియామకాలు

ఓ పక్క తీవ్రవాదుల ఏరివేత కొనసాగుతున్నప్పటికీ.. ఉగ్రసంస్థల్లోకి నియామకాలు భారీగా జరగటం ఆందోళనకు గురిచేస్తోందని అధికారులు అన్నారు. మార్చి నుంచి ఇప్పటి వరకు పలు తీవ్రవాద సంస్థలు సుమారు 50 మంది యువకులను నియమించుకున్నట్లు తెలిపారు. ఈ నియామకాలకు అడ్డుకట్ట వేయాటానికి సరైన మార్గాన్ని వెతకాల్సిన అవసరముందని, తప్పుతోవ పడుతోన్న యువత, తల్లిదండ్రుల్లో అవగాహన కల్పించాలని వెల్లడించారు.

పార్లమెంటు​లో ప్రవేశపెట్టిన సమాచారం ప్రకారం ఉగ్రసంస్థల్లోకి ఏటా కొత్తగా చేరిన వారి వివరాలు...

సంవత్సరం	కొత్త నియామకాలు
2014	53
2015	66
2016	88
2019( మే వరకు)	50

జిల్లాల వారీగా...

ఈ ఏడాది మరణించిన ఉగ్రవాదుల్లో అత్యధిక మంది షోపియాన్​ జిల్లాకు చెందినవారే. ఈ జిల్లాలో 25 మందిని భద్రతా బలగాలు హతమార్చాయి. పుల్వామాలో 15 మంది, అవంతిపొరాలో 14, కుల్గాంలో 12 మంది ఉగ్రవాదులు హతమయ్యారు.

ఇదీ చూడండి:సైనికులను క్రూరంగా కొడుతుంటే వేడుక చూశారు