జమ్ము కశ్మీర్లో అధికరణ 370 రద్దయిన తరువాత మొదటిసారి కశ్మీర్లో శుక్రవారం పర్యటించారు భాజపా జాతీయ ప్రతినిధి షాన్వాజ్ హుస్సేన్. కశ్మీర్లో అధికరణ 370 ఎప్పటికీ పునరద్ధరణ కాదని తెలిపారు. జమ్ముకశ్మీర్ ప్రజల అభివృద్ధిని దృష్టిలో పెట్టుకునే ఆర్టికల్ 370ను రద్దు చేశామన్నారు. స్థానిక ఎన్సీ, పీడీపీ పార్టీలు తమ కుటుంబాల కోసం పనిచేశాయే కానీ ప్రజలకు పట్టించుకోలేదని దుయ్యబట్టారు.
'అధికరణ-370 పునరుద్ధరణ జరగని పని'
భాజపా జాతీయ ప్రతినిధి షాన్వాజ్ హుస్సేన్.. జమ్ముకశ్మీర్పై కీలక వ్యాఖ్యలు చేశారు. కశ్మీర్లో 'అధికరణ 370'ఎప్పటికీ పునరుద్ధరణ కాదని తేల్చి చెప్పారు. స్వర్గం లాంటి కశ్మీర్ను 'గుప్కార్ గ్యాంగ్' నరకంలాగా మార్చిందని ఆరోపించారు.
'స్వర్గం లాంటి కశ్మీర్ను నరకంలా మార్చింది వారే'
కశ్మీర్ పర్యటకంలో ప్రపంచ ప్రసిద్ధి చెందిందని.. ఈ ప్రాంతాన్ని మరింత అభివృద్ధి చేస్తామన్నారు. వచ్చే డీడీసీ ఎన్నికల్లో కశ్మీర్లో కమలం విరబూస్తుందని ధీమా వ్యక్తం చేశారు.
మరోవైపు కశ్మీర్లో పేరుకుపోయిన అవినీతిని రూపుమాపేందుకు ప్రధాని నరేంద్ర మోదీ కృషి చేస్తున్నారని భాజపా సీనియర్ నేత ముక్తార్ అబ్బాస్ నఖ్వీ తెలిపారు. 'గుప్కార్ కూటమి' కశ్మీర్కు ప్రమాదమన్నారు.