బ్యాడ్​బాయ్​ మెచ్చిన గల్లీబాయ్

ముంబయి వీధుల్లో తిరిగే ఓ కుర్రాడు ర్యాపర్​గా ఎదగాలనే కల సాకారం చేసుకునే ఇతివృత్తంతో గల్లీబాయ్ చిత్రాన్ని తెరకెక్కించారు.

గల్లీబాయ్​ చిత్రంపై ప్రశంసల వర్షం కురుస్తోంది. తాజాగా ప్రముఖ హాలీవుడ్ నటుడు విల్ స్మిత్ ఈ చిత్రంలో నటించిన రణ్​వీర్​సింగ్​ను పొగడ్తలతో ముంచెత్తాడు. స్మిత్ తన ఇన్​స్ట్రాగ్రామ్ పేజీలో వీడియో పోస్ట్ చేసి మరీ అభినందించాడు.

"రణ్​వీర్... ముందుగా నీకు శుభాకాంక్షలు. గల్లీబాయ్ సినిమాలో బాగా నటించావ్. చిత్రం నాకు బాగా నచ్చింది. పాఠశాలలో నేను చేసిన హిప్​హాప్ గుర్తొచ్చింది. ఇది ప్రపంచవ్యాప్తంగా ప్రజలను అలరిస్తోంది" అని వీడియోలో చెప్పాడు విల్​.
జోయా అక్తర్ దర్శకత్వం వహించిన గల్లీబాయ్ చిత్రాన్ని రితేశ్ సిద్వాని, ఫర్హాన్ అక్తర్ నిర్మించారు. విడుదలైన తొలిరోజే రూ. 18.7 కోట్లు రాబట్టిందీ సినిమా.