'గడపలకు పసుపునౌతా'

ఎప్పుడెప్పుడా అని ఎదురుచూస్తున్న ఎన్టీఆర్ మహానాయకుడు ట్రైలర్ వచ్చేసింది.

నందమూరి బాలకృష్ణ ప్రధాన పాత్రలో రూపొందిన సినిమా "ఎన్టీఆర్ మహానాయకుడు". ఈ చిత్ర ట్రైలర్ విడుదలైంది. సంక్రాంతి కానుకగా వచ్చిన కథానాయకుడు సినిమాకు కొనసాగింపే ఈ చిత్రం.

"నిశ్శబ్దం చేతకానితనం అనుకోవద్దు.. మౌనం మారణాయుధంతో సమానం.." అంటూ సాగే సంభాషణలతో ఆకట్టుకుంటోంది ట్రైలర్. రాజకీయం చేయడానికి రాలేదు అనే డైలాగ్​లతో ఆసక్తి పెంచుతోంది ప్రచారం చిత్రం.

మహానాయకుడు

చంద్రబాబు నాయుడి పాత్రలో రానా నటించారు. బసవతారకం పాత్రను విద్యాబాలన్ పోషించారు. క్రిష్ దర్శకత్వం వహించిన ఈ సినిమాకు కీరవాణి సంగీతమందించారు. ఎన్.బి.కె ఫిల్మ్స్​ నిర్మించిన ఈ సినిమా ఈ నెల 22న థియేటర్లలోకి రానుంది.
తొలి భాగంలో ఎన్టీఆర్ సినీ ప్రస్థానాన్ని చూపిస్తే.. ఇందులో రాజకీయ ప్రస్థానాన్ని కళ్లకు కట్టినట్లుగా చూపించబోతున్నారు. సినిమాపై నందమూరి అభిమానులు భారీ అంచనాలు పెట్టుకున్నారు.
మహానాయకుడు సెన్సార్ పూర్తి చేసుకొని క్లీన్ యూ సర్టిఫికెట్ పొందింది. సినిమా వ్యవధి 2 గంటల 8 నిమిషాలు మాత్రమే.